ސްކޫލަށް ދިމާވެފައިވާ މައްސަލަތަކާ ގުޅިގެން ކައުންސިލާ ބައްދަލުކުރެވުނު އަދަދުވެސް ނޭގޭ: ސްކޫލް ޕީޓީއޭގެ ކޯޑިނޭޓަރ

މިދިޔަ އަހަރު ކުޅުދުއްފުށީ ކައުންސިލަށް ލިބުނު އާމްދަނީ 98 ޕަސެންޓް ހަރަދު ކޮށްފައިވަނީ ކުޅުދުއްފުށީގެ ޕްރީ ސްކޫލްތަކަށް ކަމަށް ކައުންސިލްގެ ރައީސް އިބްރާހިމް ރަމީޒު ވިދާޅުވެއްޖެ އެވެ.

ކުޅުދުއްފުށީ ކައުންސިލްގެ ރައީސް އިބްރާހިމް ރަމީޒު މިހެން ވިދާޅުވީ 2012 ވަނަ އަހަރަށް ކުޅުދުއްފުށީ އަމީރު އަމީން ސްކޫލުގެ ޕީޓީއޭ އިފްތިތާހު ކުރުމަށް ރޭ ޖަލާލުއްދީން ސްކޫލުގައި ބޭއްވި ޖަލްސާ ޝަރަފުވެރި ކޮށްދެއްވާ ދެއްކެވި ވާހަކަފުޅުގައި އެވެ.

އިބްރާހީމް ރަމީޒްގެ ވާހަކައިގައި 2011 ވަނަ އަހަރު ކުޅުދުއްފުށީ ކައުންސިލަށް ލިބުނު އާމްދަނީގެ ބޮޑު ބައެއް ޕްރީ ސްކޫލުތަކަށް ހަރަދުކުރަން ޖެހުމުން ކައުންސިލުގެ އެހެނިހެން މަސައްކަތްތައް ނުކުރެވިފައިވާ ކަމަށް ވިދާޅުވި އެވެ.

“މިދިޔަ އަހަރު ކުޅުދުއްފުށީ ކައުންސިލަށް ލިބުނު އާމްދަނީގެ 98 ޕަސެންޓް ވާނީ ކުޅުދުއްފުށީ ޕްރީ ސްކޫލުތަކަށް ހަރަދު ކޮށްފައި. ކައުންސިލުން ކުރަންޖެހޭ އެހެން ކަންތައްތައް ވަނީ ޕްރީސްކޫލުތަކަށް ހަރަދު ކުރަން ޖެހުމުން ނުކުރެވިފައި” ރައީސް ވިދާޅުވިއެވެ.

ކައުންސިލުގެ ރައީސް ވިދާޅުވީ ކައުންސިލުތައް އުފެދި ލާމަރުކަޒީ ނިޒާމެއް އައުމުން ކައުންސިލްތަކުން ހަރަދު ކުރަން ޖެހެނީ އެކައުންސިލަކަށް ލިބޭ އަމްދަނީން ކަމަށެވެ.

“ބައެއް ބެލެނިވެރިންނަށް ހީވާ ކަހަލަ ކައުންސިލްތައް އުފެދުނީމާ ސްކޫލުތަކުގެ ކަންތައްތައް ދުވަހުން ދުވަހަށް ވާންޖެހޭނޭ. އެހެނެއް އެކަމެއް ނުވާނެ. މިހާރު މިއޮތީ ނިޒާމު ބަދަލުވެ ލާމަރުކަޒީ ނިޒާމެއް އައިސްފައި. އެރަށެއްގެ ކައުންސިލުން ކުރަންޖެހޭ ހަރަދުތައްވެސް ކުރަން ޖެހެނީ ކައުންސިލަށް ލިބޭ އާމްދަނީން”  ރައީސް ވިދާޅުވިއެވެ.

ރޭގެ ޖަލްސާގައި، ކައުންސިލުން ޕްރީ ސްކޫލުތަކަށް އެހީތެރިކަން ފޯރުކޮށްދޭ މިންވަރުގެ މައްޗަށް ކައުންސިލުގެ ރައީސްގެ ވާހަކަފުޅު އަމާޒުކުރައްވާފައިވާ އިރު ރައީސް ވިދާޅުވީ އައްޑޫ ސިޓީ ކައުންސިލާއި ފުވައްމުލަކު ކައުންސިލުން އެރަށްރަށުގެ ޕްރީ ސްކޫލަކަށް ލޯލާރިއެއް ވެސް ދެމުން ނުގެންދަވާ ކަަމަށެވެ. އަދި އެސްކޫލުތަކަކީ ފީ ނަގައިގެން ހިންގާ ސްކޫލުތަކެއްކަން ފާހަގަ ކުރައްވާ ރަމީޒް ވިދާޅުވީ ކުޅުދުއްފުށީ ކައުންސިލުން ކުޅުދުއްފުށީގެ ޕްރީ ސްކޫލުތަކަށް ވަރަށް ބޮޑަށް އެއްބާރުލުން ދެމުން ގެންދަވާ ކަމަށެވެ.

ރޭ ބޭއްވި ޖަލްސާގައި އަމީރު އަމީން ސްކޫލުގެ ޕީޓީއޭގެ ކޯޑިނޭޓަރ ސާދުނާ އިބްރާހިމް ވިދާޅުވީ އަމީރު އަމީން ސްކޫލުގެ އާބާދީ ދުވަހަކުވެސް ގިނަ ނުވާ މިންވަރަށް މިއަހަރު ގިނަ ވެފައިވާ ކަމަށެވެ. އެހެންވުމުގެ ސަބަބުން ސްކޫލުގެ ޖާގައިގެ ދަތިކަން އިންތިހާއަށް ބޮޑުވެފައިވާ ކަމަށާއި ސްކޫލުގައި ކުޑަގުދަނެއް ހަދައި ދިނުމަށް ކުޅުދުއްފުށީ ކައުންސިލުގައި އެތައް ފަހަރެއްގެ މަތިން އެދިފައިވާނެ ކަމަށެވެ. އެހެންނަމަވެސް ގުދަން ހަދާނެ ބަޖެޓެއް ނެތްކަމަށާއި މިދިޔަ އަހަރު އެސްކޫލުގެ ފޮޓޯ ކޮޕީ މެޝިން ނެތުމުގެ ސަބަބުން ޓީޗަރުންނަށް ތަފާތު ދަތިތަކާ ކުރިމަތި ވަމުން އަންނަ ކަމަށެވެ.

” މިހާރު ސްކޫލުން ކާޓްރިޖް ދިނުމުން އެއީސީ ސްކޫލަށް ގޮސް ފޮޓޯކޮޕީ ނަގަމުންދަނީ. ފޮޓޯ ކޮޕީއެއް ނަގަންޖެހޭ ކޮންމެ ވަގުތަކު އެހެން ތަނަކަށް ދިއުން މިއީ ފަސޭހަކަމެއްނޫން. ޓީޗަރުން މިހާ ބުރަކޮށް މަސައްކަތް ކުރަމުންދާއިރު ވެސް މަސްނިމުމުން ލިބޭ އުޖޫރަވެސް އަޅުގަނޑުމެންނަށްް ހަމައަށް ނުލިބޭ. އެމައްސަލާގައި ސަރުކާރުގެ ކަމާބެހޭ ފަރާތްތަކަށާއި ކައުންސިލަށް ދެވުނު އަދަދުވެސް ބުނަން ނޭގޭ” ސާދުނާ އިބްރާހިމް ވިދާޅުވިއެވެ.

ރޭ ބޭއްވި ރަސްމިއްޔާތުގައި އަމީރު އަމީން ސްކޫލުގެ ޕީޓީއޭއަށް އަލަށް ހޮވުނު ނައިބު ރައީސާ ސާދުނާ މުހައްމަދު ވާހަކަ ދެއްކެވި އެވެ. އަދި 2011 ވަނަ އަހަރުގެ އެސްކޫލުގެ ޕީޓީއޭ ހިނގައި ދިޔަގޮތުގެ ރިޕޯޓް ވެސް އިއްވި އެވެ.

އަމީރު އަމީން ސްކޫލުގައި މިއަހަރު 500 އަށްވުރެ ގިނަ ދަރިވަރުން ތައުލީމް ހާސިލްކުރަމުން ގެންދެއެވެ. ސްކޫލުގެ އިދާރީ ބައިގައި މިދިޔަ އަހަރު 3 މުވައްޒަފަކު ތިބިއިރު މިއަހަރުގެ ދިރާސީ އަހަރު ފެށުނު އިރު ތިބީ 2 މުވައްޒަފުން ކަމަށް އެސްކޫލުން ބުނެއެވެ.

ދާދި މިދާކަށް ދުވަހު އޮފީހުގައި އިނދެފައި، މުހިއްމު ކަމެއް ދިމާވެގެން ސަރުކާރު ސްޓޭޓް މިނިސްޓަރެއްގެ ނަންބަރަށް ގުޅާލީމެވެ. ނަންބަރަށް ޑައިލް ކޮށްލުމާއެކު އިވިގެން ދިޔައީ “ތީއޭ މިހިތުގެ ވިންދަކީ” ލަވައެވެ. އެދުވަހު ހިތަށް އެރިއެވެ. ތިމާގެ ލޯބިވެރިޔާ ގުޅާއިރު އިއްވަން ލައިފައި އިން ރާގު ގުޅާ ކޮންމެ މީހަކަށްވެސް އިވޭނެތާއެވެ. ތިމާގެ ލޯބިވެރިޔާއަށް ހަދިޔާކޮށްފައި އޮތް ލަވަ އެހެން މީހުން ގުޅާލުމުން އިވުން އެއީ ރަނގަޅު ގޮތްބާއެވެ؟ ދިރާގު މައިޓޯންސްގެ ހިދުމަތް އެންމެންގެ މެދުގައިވެސް މަގުބޫލުކަން ހޯދާފައިވާ އިރު، އެ ހިދުމަތް ބޭނުން ކުރުމަށް އިތުރު ގޮތްތަކެއް ހޯދަން ޖެހޭކަން ގިނަ ކަސްޓަމަރުންތަކެއް ދިޔައީ ފާހަގަ ކުރަމުން ނެވެ.

ކަސްޓަމަރުންނަކީ އެންމެ މުހިއްމު ސްޓޭކްހޯލްޑަރ ކަމުގައި އަބަދުވެސް ދެކޭ ދިރާގުން ވަނީ ކަސްޓަމަރުންގެ ހިޔާލުތައް އަޑުއަހައި، ވަރަށްފަހުން އެހިދުމަތް ފުޅާކޮށްފައެވެ. ދިރާގުގެ މަލްޓިޕްލް މައިޓޯން ހިދުމަތް ތައާރަފް ކުރުމުން، ދިރާގުގެ ކަސްޓަމަރުންނަށް މިހާރު މައިޓޯންސްގެ ގޮތުގައި ތަފާތު އެކި ލަވަތައް ނެގެން ހުރެއެވެ. ވަކި މީހަކު ގުޅުމުން ވަކިލަވައެއް ނުވަތަ ވަކި ބަޔަކު ގުޅުމުން ވަކި ރާގެއް އިވޭގޮތަށް ދިރާގުން ވަނީ އެހިދުމަތް ކަސްޓަމައިޒް ކޮށްފައެވެ. އެހިދުމަތް ފުޅާކުރުމާއެކު މައިޓޯންސް ހިދުމަތުގެ މަގުބޫލުކަން ވަނީ އިތުރު ވާން ފަށާފައިކަން ދިރާގުން ހާމަކުރެއެވެ.

“މައިޓޯންސްގެ ހިދުމަތަށް ބަދަލު ގެނައުމުން ވަރަށް ބޮޑު ތަރުހީބެއް ލިބެމުންދަނީ. ކުރިން އެންމެ ޓޯނެއްގެ ހިދުމަތް ދިންއިރު މިހިދުމަތް ބޭނުން ނުކުރާ މީހުންވެސް، ޕާސަނަލައިޒް ކުރެވޭ ގޮތަށް ހިދުމަތް ބަދަލު ކުރުމުން މިހިދުމަތް ބޭނުން ކުރަން ފަށައިފި” ދިރާގުގެ މާކެޓިންގ، ކޮމިއުނިކޭޝަން އެންޑް ޕަބްލިކް ރިލޭޝަން އެގްޒެކެޓިވް އިމްޖާދު ޖަލީލު ވިދާޅުވިއެވެ.

އިމްޖާދު މައުލޫމާތު ދެއްވިގޮތުގައި ދިރާގުގެ މައިޓޯންސްއަށް ގެނައި ބަދަލާއެކު ތަފާތު 10 މައިޓޯންސް ގުޅުއްވާ ފަރާތްތަކަށް އަޑު އިވޭނެހެން ސެޓްކޮށްލެވެން ހުންނާނެއެވެ. އަދި މީގެ އިތުރުން ކަސްޓަމަރުން އިހުތިޔާރު ކުރާ ޓޯނެއް ވަކިވަކި ބޭފުޅަކަށް ނުވަތަ ވަކި ގުރޫޕަކަށް އަޑު އިވޭނެހެން ސެޓްކޮށްލުމުގެ ފުރުސަތު ލިބިގެންދާނެކަމަށްވެސް އިމްޖާދު ވިދާޅުވިއެވެ.

މަލްޓިޕްލް ރިންގްޓޯން އެކްޓިވޭޓް ކުރަށްވާނީ 155 އަށް ގުޅުއްވައިގެންނެވެ. ނުވަތަ “ޓޯން” ޖެއްސެވުމަށްފަހު ޓޯން އައިޑީ 155 އަށް އެސް.އެމް.އެސް އެއް ފޮނުއްވައިގެންނެވެ. ފޮނުއްވާ ކޮންމެ އެސްއެމްއެސް އަކަށް ޗާޖު ކުރެވޭނީ 1 ރުފިޔާއެވެ. އަދި އިހްތިޔާރު ކުރައްވާ ކޮންމެ މައިޓޯނަކަށް ޗާޖު ކުރެވޭނީ 4 ރުފިޔާއެވެ.

މައިޓޯންސް ޕާސަނަލައިޒް ކުރައްވާނީ އެސް.އެމް،އެސް މެދުވެރިކޮށެވެ. އެއްވެސް ފަރާތެއް ގުޅުއްވުމުން އެފަރާތަކަށް އަޑު އިވޭނެހެން ވަކި މައިޓޯނެއް ޕާސަނަލައިޒް ކުރެއްވުމަށް ‘set’ ޖެއްސެވުމަށްފަހު ޓޯން އައިޑީ އަދި މޮބައިލް ނަންބަރާއި އެކު 155 އަށް އެސްއެމްއެސް ފޮނުވުމުން މިހިދުމަތް ލިބޭނެއެވެ. މިއީ އިތުރު ޗާޖަކާއި ނުލާ ލިބޭނެ ހިދުމަތެކެވެ.

ހިދުމަތަށް އެކްޓިވޭޓް ކުރުމަށް ޖެހެނީ 155 އަށް ގުޅާށެވެ. ނުވަތަ ‘tone’ ޖެއްސެވުމަށްފަހު ޓޯން އައިޑީ ޖައްސަވާފައި 155 އަށް އެސްއެމްއެސް އެއް ފޮނުވިދާނެއެވެ. މިހިދުމަތާއި ގުޅޭ އިތުރު މައުލޫމާތު އޮޅުން ފިލުވުމަށް ‘help’ ޖައްސަވާފައި 155 އަށް ފޮނުވުމުން މައުލޫމާތު ލިބިގެން ދެއެވެ.

ދިރާގު މައިޓޯންސް ހިދުމަތަށް ގެނެވުނު ބަދަލާއި ގުޅިގެން ދިރާގުގެ މެނޭޖަރ މާކެޓިންގ ކޮމިއުނިކޭޝަންސް އެންޑް ޕަބްލިކް ރިލޭޝަންސް މުހައްމަދު މިރުޝާން ހަސަން ވިދާޅުވީ، ދިރާގުގެ މައިޓޯންސް ފްލެޓްފޯމަކީ އެކި އެކި ދިވެހި އަދި ބޭރުގެ އާޓިސްޓުންގެ ރާގުތަކާއި ލަވަތަކުގެ އެންމެ ގިނަ ރިންގްބެކް ޓޯންސް ހުންނަ ފްލެޓްފޯމެއެވެ.

ދިރާގަކީ އަބަދުވެސް ކަސްޓަމަރުންގެ ހިޔާލުތައް ބަލައިގަނެ ކަސްޓަމަރުން ބޭނުންވާ ގޮތަށް ހިދުމަތްތައް ބައްޓަން ކުރަމުން އަންނަ ކުންފުންޏެކެވެ. މިހާރު ގައިމުންވެސް އެދުވަހު ގުޅާލި ސްޓޭޓް މިނިސްޓަރުގެ ރިންގް ބެކްޓޯން ވަނީ ބަދަލު ކޮށްފައެވެ. އަދި އެވީގޮތަކީ ކޮބައިތޯ ސުވާލު ކޮށްލުމުން ވިދާޅުވީ “ދިރާގު މައިޓޯންސް ޕާސަނަލައިޒް ކުރުމުގެ ހިދުމަތް ބޭނުން ކުރަން ފެށީ” ކަމަށެވެ.

ރާއްޖޭގައި ރަށްރަށުގައި އުފައްދާފައި ހުރި ކައުންސިލްތަކުގެ ތެރެއިން ކަންކަން ކުރަން އެންމެ ފަސޭހަ ކައުންސިލަކީ ކުޅުދުއްފުށީގެ ކައުންސިލް ކަމަށް އެކައުންސިލް ރައީސް އިބްރާހިމް ރަމީޒު ވިދާޅުވެއްޖެ އެވެ.

ކުޅުދުއްފުށީ ކައުންސިލްގެ ރައީސް އިބްރާހިމް ރަމީޒް މިހެންް ވިދާޅުވީ 2012 ވަނަ އަހަރަށް އިރުމަތީ އަވަށު ޕްރީ ސްކޫލުގެ ޕީޓީއޭ އިފްތިތާހުކުރުމަށް ރޭ ޖަލާލުއްދީން ސްކޫލުގައި  ބޭއްވި ޖަލްސާ ޝަރަފުވެރި ކޮށްދެއްވާ ދެއްކެވި ވާހަކަފުޅުގައި އެވެ. ރައީސްގެ ވާހަކަ ފުޅުގައި ރާއްޖޭގައި އުފެދިފައިވާ ކައުންސިލް ތަކުގެ ތެރެއިން ކަންކަން ކުރަން އެންމެ ފަސޭހަ ކައުންސިލަކަށް ކުޅުދުއްފުށީގެ ކައުންސިލް ވަނީ  ކައުންސިލްގެ ފިކުރު އެއްގޮތްވީމާ ކަމަށް ރައީސް ވިދާޅުވި އެވެ.

ކައުންސިލުގެ ރައީސް ވިދާޅުވީ، އެކައުންސިލުން ކުޅުދުއްފުށީގައި ހުންނަ ދެ ޕްރީ ސްކޫލަށްވެސް އެހީތެރިކަން ފޯރުކޮށްދެމުން އަންނަ ކަމަށާއި އެހެންނަމަވެސް ބައެއް ފަރާތްތަކަށް ހީވެފައި އޮންނަނީ ކައުންސިލުން އެހީތެރިވަނީ ހަމައެކަނި އަމީރު އަމީން ސްކޫލަށް ކަމަށެވެ.

“… ހުރިހާ ބޭފުޅުންނަށް ފާހަގަ ކުރެވިފައި މިއިންނަނީ އަމީރު އަމީން ސްކޫލަކީ ކުޅުދުއްފުށީ ކައުންސިލުން ހިންގާ (ހަމައެކަނި) ސްކޫލެއްގެ ގޮތުގައި. އެކަމަކު ހަގީގަތަކީ ކައުންސިލްގެ އެއްބާރުލުން މިދިޔަ އަހަރުވެސް މި ދެ ސްކޫލަށް (އިރުމަތި އަވަށު ޕްރީ ސްކޫލް އަދި އަމީރު އަމީން ސްކޫލް) އެއްވަރަށް ދިނިން. އަދި ކުރިއަށް އޮތްތަނުގައިވެސް މި ދެ ސްކޫލަށް ކައުންސިލް އެއްބާރުލުން ލިބިގެންދާނެ” ކައުންސިލުގެ ރައީސް ވިދާޅުވި އެވެ.

ރަށު ކައުންސިލުގެ ރައީސް ވިދާޅުވީ ހުސްވި އަހަރު ސްކޫލުގެ ބައެއް ކަންކަން ރަނގަޅަށް ބެލިފަ ނެތުމުގެ ސަބަބުން ސްކޫލުގެ ކިޔެވުން ފެށުނު އިރު ދަތިތަކެއް ކުރިމަތިވި ކަމަށެވެ. އެގޮތުން އާބާދީ އަށް ބަދަލާއި އާބާދީ އިތުރު ވެގެން ދިޔަ މިންވަރު އަންދާޒާ ކުރެވިފައި ނުވާތީ ސްކޫލުތަކުގެ ޖާގައިގެ މައްސަލަ ކުރިމަތިވި ކަމަށެވެ.

“2013 އަންނަން ވާއިރަށް ކައުންސިލުން މަސައްކަތް މިކުރަނީ އެދަތިތައް ފިލުވައިދިނުމަށް. މިދިޔަ އަހަރުވެސް ވާނީ ކަރުދާހުގެ މަސައްކަތް ތަކެއް ކޮށްފައިވާނެ. އެއީ ރައްޔިތުންނަށް ފެންނަން ހުންނާނެ މަސައްކަތެއް ނޫން” އިބްރާހިމް ރަމީޒް ވިދާޅުވިއެވެ.

ރޭ ބޭއްވި ރަސްމިއްޔާތުގައި އިރުމަތި އަވަށު ޕްރީ ސްކޫލުގެ ޕީޓީއޭއަށް އަލަށް ހޮވުނު ނައިބު ރައީސް މުހައްމަދު އަބްދުއްރަހުމާނު ވާހަކަ ދެއްކެވި އެވެ. އަދި 2011 ވަނަ އަހަރުގެ ޕީޓީއޭ ހިގައި ދިޔަގޮތުގެ ރިޕޯޓްވެސް އިއްވި އެވެ.

ޕީޓީއޭ އަލަށް ހޮވުނު ފަރާތްތަކަށް އަސާސީ ގަވައިދު ހަވާލުކޮށްދެއްވީ ޖަލްސާގެ ޝަރަފުވެރި މެހެމާނެވެ. ސްކޫލުގެ ކަންތައްތައް ރަގަޅު ކުރުމަށް ބެހެއްޓޭ ހިޔާލުފޮށި ހުޅުވައި ދެއްވީ ކައުންސިލް މެމްބަރު އަލީ އާދަމެވެ.

އައިޕީއެސްގައި މިއަހަރު 223 ދަރިވަރުން ތައުލީމު ހާސިލުކުރަމުން ގެންދެއެވެ.

ސިވިލް ސާރވިސްގެ ވަޒީފާތަކަށް މީހުން ހޮވުމާއި އައްޔަންކުރުމުގައި އަލަށް އެކުލަވާލި މިންގަނޑުތަކާއި އުޞޫލުތަކާބެހޭގޮތުން ސިވިލް ސާވިސް އިންސްޓިޓިއުޓުން މަޢުލޫމާތު ދިނުމުގެ ވޯކްޝޮޕެއް ކުޅުދުއްފުށީގައި ބާއްވައިފި އެވެ.

ކުޅުދުއްފުށީ ހުންނަ މަތިއުތުރު ސަރަހައްދުގެ ގައުމީ އިދާރާގައި މިއަދު އޮތް މި ވޯކްޝޮޕާ ބެހޭގޮތުން މައުލޫމާތު ދެއްވަމުން އެ އިންސްޓިޓިއުޓްގެ ލެކްޗަރާ ހުސެން ނައީމް ވިދާޅުވީ، މި ވޯކްޝޮޕަކީ ސިވިލް ސާރވިސް ކޮމިޝަނުން އަމަލު ކުރަން ފަށާފައިވާ ސިވިލް ސާރވިސްގެ ވަޒީފާތަކަށް މީހުން ހޮވުމާއި އައްޔަންކުރުމުގެ މިންގަނޑުތަކާއި ގުޅޭގޮތުން މަތިއުތުރު ސަރަހައްދުގެ ސިވިލް ސާރވިސްގެ މުވައްޒަފުންނަށް މައުލޫމާތު ދިނުމުގެ ގޮތުން ބޭއްވި ވޯކްޝޮޕެއް ކަމަށެވެ.

މިވޯކްޝޮޕް ގައި މަޢުލޫމާތު ދެވޭނީ މަގާމުގެ އެނަލައިސް ހެދުމާއި ވަޒީފާގެ ބަޔާން ތައްޔާރުކުރެވޭނެ ގޮތާއި އިއުލާން ކުރާނެ ގޮތްތަކާއި އޭގެ އުސޫލުތަކާއި ސިވިލް ސާވީސް ވަޒީފާތަކަށް ވަންނަ ފަރާތްތަކަށް ސިވިލް ސާވީސްގެ އުސޫލުތަކުން ކުރިއަށް ދެވެން އޮތްގޮތް އޮޅުންފިލުވާދިނުމެވެ. އަދި ޕާރފޮމަންސަށް ބަލާފައި މާކުސް ދެވޭނެ ގޮތުގެ މަޢުލޫމާތު މިވޯކުޝޮޕްގެ ބައިވެރިންނަށް އެގިގެންދާނެ ކަމަށް ލެކްޗަރާ ހުސެން ނައީމް ވިދާޅުވި އެވެ.

މިވޯކްޝޮޕް ކުރިއަށް ދަނީ ދެ ދުވަހުގެ މުއްދަތަށެވެ. ސިވިލް ސާރވިސް އިންސްޓިޓިއުޓުން ބުނިގޮތުގައި މިވޯކްޝޮޕްގައި ޖުމްލަ 15 ގަޑިއިރު ބައިވެރިންނަށް މަޢުލޫމާތު ފޯރުކޮށްދެވޭނެ އެވެ. މިބައްދަލުވުމުގައި ހއ. އަތޮޅުގެ ހުރިހާ ރަށަކުންނާއި ހދ.އަތޮޅުގެ 07 ރަށަކުން 43 ބޭފުޅުން ބައިވެރި ވެއެވެ. އެއިންސްޓިޓިއުޓުން މައުލޫމާތު ދޭ ގޮތުގައި ށ. އަތޮޅުގެ ހުރިހާ ރަށަކުންނާއި ހދ. އަތޮޅުގެ ބައެއް ރަށްރަށުގެ ބޭފުޅުންނަށް ވަނީ މީގެ ބައްދަލުވުމެއް ކުރިން ބާއްވާފައި އެވެ.

ސިވިލް ސާރވިސް ކޮމިޝަނުން އަލަށް އެކުލަވާލި ސިވިލް ސާރވިސްގެ ވަޒީފާތަކަށް މީހުން ހޮވުމާއި އައްޔަންކުރުމުގެ މިންގަނޑުތަކާއި އުޞޫލުތަކަށް އަމަލު ކުރަން ފަށާފައިވަނީ މިއަދުން ފެށިގެން ނެވެ.

ފުލުހުން މިތަކެތި ހޯދާފައިވަނީ ކުޅުދުއްފުށީ ގުމްރީގެ ތެރެއިން މިއަދު ހެނދުނުގެ ވަގުތެއްގައި އެވެ.

ފުލުހުންގެ މީޑިޔާ އޮފިޝަލް މިރޭ ވިދާޅުވީ، އީޒީ ރެފްރިޖަރޭޝަނުން ވައްކަން ކުރި މައްސަލައިގައި، އެތަނުން ވަގަށް ނެގި ތަކެތި ހުރި ކަމުގެ މައުލޫމާތު އެފަރާތަށް ލިބުމުން މިއަދު ހެނދުނު ކުޅުދުއްފުށީ ގުމްރީގެ ބަލާ ފާސްކުރުމުގެ ތެރޭގައި އެގޭގެ ތެރެއިން ވަގަށް ނެގި ބައެއް ތަކެތި ފެނިފައިވާ ކަމަށެވެ. އަދި އެމައްސަލައިގައި އެގޭ ޞަލާހް މުހައްމަދާއި އަދި ހަމަ އެގޭ ޞަބާހް މުހައްމަދު ހައްޔަރު ކޮށްފައިވާ ކަަމަށް ފުލުހުން ބުނެއެވެ.

ފުލުހުން ބުނީ މިއަދު ކުޅުދުއްފުށީ ގުމްރީގެ ބަލާ ފާސްކުރުމުގައި، ކަރަންޓް ވާގަނޑަކާއި، މަކިޓާ ބުރުމާއެއް ލާފައިވާ ހުސް ދެ ފޮށްޓާއި، އެއް ޓޫލް ބޮކްސް އަދި ކޮމްޕިއުޓަރ ކީބޯޑެއް ފެނިފައިވާ ކަމަށެވެ. އަދި މީގެ އިތުރުން، އެއް ސްޕީކަރ އާއި ކޮމްޕިއުޓަރ މައުސް އެއް އަދި އެއް ނެޓް ވޯކް ވާގަނޑު ފެނިފައިވާ ކަަމަށެވެ.

އީޒީ ރެފްރިޖަރޭޝަނުން ވަގަށް ގެންދިޔަ ތަކެތީގެ ތެރެއިން މިހާތަނަށް ނުފެނި ވަނީ، އެއް ސީޕީޔޫ އާއި ކޮމްޕިޔުޓަރ މޮނީޓަރ، މަކިޓާ ބްރޭންޑްގެ 3 ބުރުމާ އަދި އެލަން ކީ ސެޓަކާއި އެއް ވަޑާން ކަށި ކަމަށް ފުލުހުން މައުލޫމާތު ދެއެވެ.

އީޒީ ރެފްރިޖަރޭޝަންގެ ވެރިޔާ އަބޫބަކުރު އަލީ ބުނީ އެތަނުން ވަގަށް ގެންދިޔަ ބައެއް ތަކެތި ފުލުހުން ހޯދުމަށްފަހު އެކަން އެފަރާތަށް އަންގާފައިވާ ކަމަށެވެ. އަދި އެތަކެތި ހުރީ ފުލުހުންގެ ބެލުމުގެ ދަށުގައި ކަމަށާއި އެހެންނަމަވެސް އެތަކެތި އޭނާ އަށްވެސް ފުލުހުން ދައްކާފައިވާ ކަަމަށް އަބޫބަކުރު ބުންޏެވެ.

ކުޅުދުއްފުށީ ބަޝީރު ގޭގައި ހުންނަ މި ވޯކްޝޮޕަކީ އައިސްއަލަމާރި މަރާމާތު ކުރުމާއި އެއާކޮންޑިޝަން މަރާމާތުކޮށް އިންސްޓޯލް ކޮށްދިނުމުގެ ޚިދްމަތް ދޭ ވޯކްޝޮޕެކެވެ. މި ވޯކްޝޮޕްގެ ވެރި ފަރާތުން ކުރިން ބުނެފައިވަނީ މި ވައްކަމުގެ ސަބަބުން ގާތްގަނޑަކަށް 30000 ރުފިޔާގެ ގެއްލުން ވެފައިވާ ކަމަށެވެ.

ސޯޝަލް ނެޓްވޯކްތަކުގެ ތެރެއިން އެތައް މިލިޔަން މީހުންނެއްގެ މަގުބޫލުކަން ހޯދާފައިވާ ފޭސްބުކް ޕަބްލިކް ލިމިޓެޑް ކުންފުންޏަކަށް ބަދަލުކޮށް އާއްމުންނަށް ހިއްސާ ވިއްކަން ނިންމައިފިއެވެ.

މަޝްހޫރު ސޯޝަލް ނެޓްވޯކް ފޭސްބުކްގެ އިނީޝަލް ޕަބްލިކް އޮފަރިން (އައިޕީއޯ) ގައި 10 ބިލިޔަން އެމެރިކާ ޑޮލަރުގެ ހިއްސާ ވިއްކާނެކަމަށް އެމެރިކާގެ ވޯލްސްޓްރީޓް ޖާނަލް އާއި ފައިނޭންޝަލް ޓައިމްސްގައި ރިޕޯޓް ކޮށްފައިވެއެވެ. މިއީ ބޮޑެތި ކުންފުނިތަކާ އަޅާބަލާއިރު، ގޫގުލްއިން 2004 ވަނަ އަހަރު އަލަށް އާއްމުކޮށް ހިއްސާ ވިއްކި ވަރަށްވުރެ 5 ގުނަ ބޮޑު އަދަދެކެވެ. އެއަހަރު ބޮޑެތި ކުންފުނިތަކުގެ ތެރޭގައި ގުނާލެވޭ ގޫގުލް އިން ވިއްކީ 1.9 ބިލިޔަން އެމެރިކާ ޑޮލަރުގެ ހިއްސާއެވެ.

މިހާތަނަށް އެމެރިކާގެ ހިއްސާގެ ބާޒާރުގައި އެންމެ ބޮޑު އައިޕީއޯ އަކަށް ގޮސްފައިވަނީ މަޝްހޫރު ކާރު ކުންފުނި ޖެނެރަލް މޮޓޯސް އެވެ. 2010 ވަނަ އަހަރު ހިއްސާ ވިއްކައިގެން އެކުންފުނިން 20 ބިލިޔަން ޑޮލަރު ހޯދިއެވެ.

ބޮޑު އަދަދެއްގެ ހިއްސާ ވިއްކައިގެން އެންމެ ބޮޑެތި ކުންފުނި ތަކުގެ ލިސްޓަށް ފޭސްބުކް ވަންނައިރު، އެކުންފުނީގެ ހިއްސާ ވިއްކުމުގައި އަންޑަރައިޓަރެއްގެ ބައި އަދާކުރާނީ މަޝްހޫރު ފައިނޭންޝަލް ޖަޔަންޓް މޯގަން ސްޓޭންލީއެވެ. އަދި ގޯލްޑްމަން ސެޗް ވެސް އެހީތެރިވެދޭނެއެވެ.

ފޭސްބުކް ހިއްސާގެ ބާޒާރުގައި ލިސްޓް ކުރުމުން މާކެޓް ކެޕިޓަލައިޒޭޝަން (ހިއްސާގެ ބާޒާރުގައި ކުންފުނީގެ ރައުސްމާލުގެ އަގު) 75 ބިލިޔަން އާއި 100 ބިލިޔަން އެމެރިކާ ޑޮލަރާއި ދެމެދުގެ އަދަދަކަށް އަރާ ދުނިޔޭގެ އެންމެ ބޮޑެތި ކުންފުނިތަކުގެ ލިސްޓު ވެސް އެންމެ ކުރިއަށް ފޭސްބުކް ޖެހިލާނެ ކަމަށް ރިޕޯޓްތައް ބުނެއެވެ.

ފޭސްބުކް އަކީ 2004 ވަނަ އަހަރު އެމެރިކާގެ ހާވާޑް ޔުނިވާސިޓީގައި ތައުލީމު ހާސިލް ކުރަމުންދިޔަ މާކް ޒުކަބާގް އާއި އޭނާގެ ބައިވެރިން ވެގެން އުފެއްދި ވެބްސައިޓެކެވެ. ކުޑަދުވަސްކޮޅެއްގެ ތެރޭގައި ފޭސްބުކް އާއްމުންގެ މަގުބޫލުކަން ހޯދިއެވެ.

އިޝްތިހާރު ކޮށްގެން މައިގަނޑު އާމްދަނީ ހޯދާ ފޭސްބުކް، 2010 ވަނަ އަހަރުގެ ފުރަތަމަ 9 މަސްދުވަހުގެ އަންކޮންފާމްޑް ހިސާބުތަކުން ދައްކާގޮތުން، ވަނީ 1.2 ބިލިޔަން ޑޮލަރު އާމްދަނީއެއް ހޯދާ، ސާފު ފައިދާގެ ގޮތުގައި 355 މިލިޔަން ޑޮލަރު ހޯދާފައެވެ. ފޭސްބުކް އަކީ ޕްރައިވެޓް ކުންފުންޏެއް ކަމުގައި ވާތީ އެކުންފުނިން ހޯދަމުންދާ އާމްދަނީގެ ކޮންފާމް ރިޕޯޓްސް ހޯދުމަކީ އަދި ދަތިކަމެކެވެ.

ކުޅުދުއްފުށީ އާޕޮއިންޓް ފިހާރައިން ވެސް ވަނީ ވައްކަން ކޮށްފައި

ކުޅުދުއްފުށީގައި ހުންނަ ‘އީޒީ ރެފްރިޖެރޭޝަން’ ފަޅާލައި އެތަނުގައި ހުރި ގިނަ އަދަދެއްގެ ސާމާނުތަކެއް ވަގަށް ގެންގޮސްފިއެވެ.

ކުޅުދުއްފުށީ އޮންލައިން އަށް މައުލޫމާތު ދެއްވަމުން މި ވޯކްޝޮޕްގެ ވެރިޔާ އަބޫބަކުރު އަލީ ބުނީ ވައްކަން ކޮށްފައިވަނީ ވޯކްޝޮޕްގައި މަސައްކަތަށް ގެންގުޅޭ ސާމާނު ރައްކާ ކުރުމަށް ހަދާފައިވާ ގުދަނުގެ ދޮރު ހަލާކުކޮށްލައިގެން ކަމަށެވެ.

އޭނާއަށް އެތަނުން ވައްކަން ކޮށްފައިވާކަން އެނގުނީ ހެނދުނު ގާތްގަނޑަކަށް 6:45 ގައި ވޯކްޝޮޕް ހުޅުވަން ދިޔަ ގަޑީގައި ކަމަށް އަބޫބަކުރު އަލީ ބުންޏެވެ. އޭނާ ބުނީ އެގަޑީގައި ވޯކްޝޮޕްގެ އިމާރާތް ހުންނަ ބަޝީރު ގޭގެ ދޮރާށި ހުރީ އެތެރޭން ގާބުރިއެއް ޖައްސާ ތާށި ކޮށްފައި ކަމަށެވެ. އެހެންކަމުން ވައްކަން ކޮށްފައިވަނީ އެގޭ ތެރެއިން ލައިފައި ގޮސް ކަމަށް ބެލެވޭ ކަމަށެވެ.

ވޯކްޝޮޕް ފަޅަލައިގެން އެތަނު ތެރޭގައި ހުރި ކޮމްޕިއުޓަރ ސިސްޓަމް އަކާއި މޮޑެމް އެއް ގެންގޮސްފައި ވެއެވެ. މީގެ އިތުރުން ތިން ބުރުމާއާއި އަތްމަތީ ސާމާނު އަޅާފައިވާ ޓޫލް ބޮކްސް ވެސް ވަގަށް ގެންގޮސްފައިވާ ކަމަށް އަބޫބަކުރު އަލީ ބުންޏެވެ. އަދިވެސް ބައެއް އެހެން ސާމާނުވެސް މަދުކަމަށާއި ގެއްލުނު އެއްޗެހި ކަނޑައެޅިގެން އަދި ބުނަން ނޭނގޭކަމަށް އޭނާ ބުންޏެވެ.

މިޚަބަރު ލިބުމާއެކު ޕޮލިހުން އެތަނަށް ގޮސްފައިވާ ކަމަށާއި އިތުރަށް މިމައްސަލަ ތަހުގީގު ކުރަމުންގެންދާ ކަމަށް މައުލޫމާތު ލިބެއެވެ.

ކުޅުދުއްފުށީ ބަޝީރު ގޭގައި ހުންނަ މި ވޯކްޝޮޕަކީ އައިސްއަލަމާރި މަރާމާތު ކުރުމާއި އެއާކޮންޑިޝަން މަރާމާތުކޮށް އިންސްޓޯލް ކޮށްދިނުމުގެ ޚިދްމަތް ދޭ ވޯކްޝޮޕެކެވެ. މި ވޯކްޝޮޕްގެ ވެރި ފަރާތުން ބުނީ މި ވައްކަމުގެ ސަބަބުންް ގާތްގަނޑަކަށް 30000 ރުފިޔާގެ ގެއްލުން ވެފައިވާ ކަމަށެވެ.

ރޭގެ ވަގުތެއްގައި ކުޅުދުއްފުށީ އާޕޮއިންޓް ފިހާރައިން ވެސް ވަނީ ވައްކަން ކޮށްފައި އެވެ. ފިހާރައިގެ ވެރިފަރާތްކަމުގައިވާ މުހައްމަދު ސައުދު ބުނީ އެފިހާރައިން ވައްކަން ކޮށްފައިވަނީ ދޮރުގެ ތަޅު ހަލާކުކޮށްލައިގެން ކަމަށެވެ.

އާޕޮއިންޓް ފިހާރައިން ވަގަށް ގެންގޮސްފައިވަނީ ވިއްކަން ބަހައްޓާފައި ހުރި މުދާ ކަމަށާއި އެވަގުތު ފިހާރަތެރޭގައި އެއްވެސް ފައިސާއެއް ނުހުންނާނެ ކަމަށް މުހައްމަދު ސައުދު ބުންޏެވެ. އޭނާ ބުނީ ފިހާރައިން ވަގަށް ގެންގޮސްފައިވަނީ ސިނގިރޭޓާއި ބޯން ބޭނުންކުރާ ތަފާތު ވައްތަރުގެ ދަޅު ފަދަ ތަކެތި ކަމަށެވެ. އަދި އެވައްކަމުގެ ސަބަބުން 6 ހާހެއްހާ ރުފިޔާގެ ގެއްލުން ވެފައިވާ ކަމަށެވެ.

އެއީ މީގެ ތިން ދުވަސް ކުރި އެވެ. ހދ ކުޅުދުއްފުށީގައި ދިރިއުޅެމުންދާ ޝާހިދާ އާއި އޭނާގެ ފަސް އަހަރު ނުފުރޭ ދެ ކުދިން ތައްޔާރު ވަމުން ދިޔައީ މޫދަށް ދާށެވެ. ގެއިން ނުކުމެގެން ގޮސް ރަށުގައި އަލަށް ހިއްކާފައި އޮތް ސަރަހައްދުގެ މެދުން ހަދާފައި އޮތް މަގުން ހިނގަން ފެށި އެވެ. ތިން މައިންނަށް ވަކިހިސާބަކަށް ދެވުނުތަނާ މީހަކު ގޮވާލާފައި މޫދަށް ދަނީތޯ އަހާލި އެވެ. ޝާހިދާ އާއެކޭ ބުނުމުން އޭނާ ދެން އެ ބުނި ވާހަކައަކުން ޝާހިދާއަށް މޫދަށް ނޭރި އެނބުރި ގެއާ ދިމާލަށް މިސްރާބު ބަދަލުކުރަން މަޖުބޫރު ކުރުވި އެވެ.

“މަށަކަށް ވާ ލާހިކެއް ނޫން އެދިމާލަށް މޫދަށް ދާކަށް. އެދިމާލުން ކަނޑު ގެރިއެއް ބަޔަކަށް ފެނިގެން އުޅޭކަމެއް ނޭގޭތަ؟ އެހެންވެ މަގޯތި ކުދިންވެސް ދިޔަ ނުދިނީ” އެމީހާ ބުންޏެވެ.

މިއީ މިދުވަސްކޮޅު ކުޅުދުއްފުށީގައި ހަލުވިކަމާއެކު ފެތުރެމުން އަންނަ ވާހަކައެކެވެ. ބައެއް މީހުންނަށް މަޖާ، އަނެއްބައި މީހުންނަށް ބިރުވެރި ވާހަކައެކެވެ.

މި ވާހަކަ އާންމު ވެފައިވަނީ ހުކުރު ދުވަހެއްގައި ކުޅުދުއްފުށީގެ މޫދަށް އެރޭ ސަރަހައްދުން ނެގި ފޮޓޯއެއް ކަމަށް ބުނެ ކުޅުދުއްފުށީގެ ގިނަ ޒުވާނުންގެ މަޤުބޫލުކަން ލިބިފައިވާ ފޭސްބުކް ގުރޫޕް ‘ކޭވައިޖީ’ ގައި ޖެހި ފޮޓޯ އަކާ ގުޅިގެންނެވެ.

މި ފޮޓޯގައި ފެންނަ ކަޅުކުލައިގެ އާދަޔާ ޚިލާފު އެއްޗަކީ ކޯޗެއް ކަމެއް ނޭނގެ އެވެ. ބުނެވޭ ގޮތުގައި ފޮޓޯ ނެގި އިރު މި އެއްޗެއް އެދިމާލުން ފެންނާކަށް ނެތެވެ. ފޮޓޯ ނެގި މީހާއަށްވެސް މިއެއްޗެއް ފެނުނީ ފޮޓޯއިން ކަމަށް ވެ އެވެ.

ކޮންމެޔަކަސް ކޭވައިޖީގައި މި ފޮޓޯ ޖެހުމާއެކު އެ ފޮޓޯއަށް އެތަށް ބައެއްގެ ފާޑު ކިޔުންތައް އަމާޒުވަމުން ދިޔައެވެ. އެއީ ‘އެޑިޓް’ ކޮށްފައިވާ ފޮޓޯއެއް ކަމަށް ގިނަ ބަޔަކު ދަނީ ތުހުމަތު ކުރަމުންނެވެ. ބައެއް މީހުން އެއީ ‘އެޑިޓެއް’ ކަމަށް ސާބިތު ކުރުމަށް ހެކި ދައްކަމުން ދާއިރު އަނެއް ބަޔަކު އެކަމަށް ޖޯކު ހަދަހަދައިގެން ކިޔަމުން ގެންދެ އެވެ.

ފޭސްބުކް ގައި އަޕްލޯޑުކޮށްފައިވާ މި ފޮޓޯގެ ހަގީގަތް ހޯދުމަށްޓަކައި އެ ފޮޓޯ ނެގި ކުޅުދުއްފުށީ ސޯސަންވިލާ އަބްދުއްލަތީފު އަށް ގުޅާލުމުން ބުނި ގޮތުގައި އެ ފޮޓޯ އަކީ އެޑިޓް ކޮށްފައިވާ ފޮޓޯއެއް ނޫނެވެ. އެއީ މިއަހަރުގެ ޤައުމީ ދުވަހު ހަވީރުގެ ވަގުތެއްގައި އާއިލާ އާއި އެކު މޫދަށް ގޮސް އުޅެމުން ނެގި ފޮޓޯތަކެއްގެ ތެރެއިން ފޮޓޯއެއް ކަމަށް އަބްދުއްލަތީފް ބުންޏެވެ. އަދި އެފޮޓޯގައި ވާ އާދަޔާ ހިލާފު އެއްޗެއް ފާހަގަ ކުރެވުނީ އެދުވަހުގެ ރޭ އެފޮޓޯތައް ކޮމްޕިއުޓަރަށް އަޅަން އުޅެނިކޮށް ކަމަށް އޭނާ ބުންޏެވެ.

ފޮޓޯއިން އެ ފެންނަ އެއްޗަކީ ކޯޗެއްކަމެއް އޭނާއަށްވެސް ނޭނގޭ ކަމަށާއި ފޮޓޯ ފެނިގެން އާއިލާ އަށާއި ރައްޓެހިންނަށް ދެއްކީ ކަމަށް އަބްދުއްލަތީފް ބުންޏެވެ. އެހެންނަމަވެސް އެ ފޮޓޯ ފޭސްބުކަށް ލީ އޭނާ ނޫން ކަމަށް އަބްދުއްލަތީފް ވަނީ ބުނެފައެވެ.

އަބްދުއްލަތީފް ނެގި ފޮޓޯއިން ފެންނަ އެތި އެހެން މީހުންނަށްވެސް ފެނިފައިވާ ކަމަށް ރަށުތެރޭގައި ވާހަކަ ދެކެވެއެވެ. މިއީ ކިހާވަރެއްގެ ހަގީގަތެއް ކަމެއް ނޭނގެ އެވެ.

މޫދުން ފެންނަ ކަމަށް އެބުނާ އެއްޗަކަށް އެކި މީހުން ދެނީ އެކި ނަމެވެ. ބައެއް މީހުން ބުނަނީ އެއީ ފުރޭތައެއް ކަމަށެވެ. އެނެއް ބައި މީހުން ބުނަނީ އެއީ ރަންނަމާރި ކަމަށެވެ. އެއީ ވެލިގަނޑު ފުރޭތަ ކަމަށް ބުނާ މީހުންވެސް މަދެއް ނޫނެވެ.

މޫދުން މިފެންނަ އެއްޗަކަށް ކިޔާނެ ނަމެއް ހޯދުމަށްޓަކައި އެކި މީހުން ގާތުގައި އަހައިގެން ލިބުނު ނަންތަކުގެ ތެރެއިން އެންމެ ގުޅޭ ކަމަށް ބެލެވުނީ މެދު އުމުރުގެ ފިރިހެނަކު ބުނި ނަމެކެވެ. އޭނާ ބުނާގޮތުން މިއެއްޗަކީ މީގެ 20 އަހަރު ކުރިންވެސް އެރަށުގެ ފަޅު ތެރެއިން މީހަކަށް ފެނުނު ކަމަށް ބުނާ ‘ކަނޑުގެރި’ ކަމަށެވެ. ކުޑަ ކުއްޖެއްވިޔަސް އޭއްޗަށް ގޯނާއެއް ކޮށްފިނަމަ އެ ކުއްޖާ ބޮޑުވީމަ ވެސް ވަކި ކުރަން އެނގޭނެ ކަމަށް ވެއެވެ. އަދި ބަދަލު ހިފާނެ ކަމަށް ބުނެވެ އެވެ.

މޫދުން ފެންނަ ކަމަށް ބުނާ މި އެއްޗަކީ ‘ވެލިގަނޑު ފުރޭތަ’ ކަމަށް މީހުން ބުނަނީ މީގެ ދުވަސް ކޮޅެއް ކުރިން ވެލިގަނޑާ ބެހޭގޮތުން ރަށުތެރޭގައި ފެތުރުނު ވާހަކައެއްގެ ސަބަބުން ކަމަށް ވެސް ވެދާނެއެވެ.

ކުޅުދުއްފުށީގެ ހިއްކި ސަރަހައްދުގެ ވެލިގަނޑަކީ އެތަން ހިއްކާ ނިމުނީއްސުރެ ވެސް ރައްޔިތުންނަށް ވަރަށް ކަމުދާ ސަރަހައްދެކެވެ. ރަށުގެ ރައްޔިތުން ހަވީރު ފިންޏަށް ހިނގާލަން ދިއުމަށްޓަކައި ވެސް އެތަނަށް ގޮސް އުޅެއެވެ. އެތަން ހިއްކާ ނިމުނު ދުވަސްވަރު ހަވީރު ފިނި ޖެހުނީމަ އެސަރަހައްދަށް ޖަމާވާ މީހުން ވަރަށް ގިނައެވެ. އިރު އޮއްސި އަނދިރި ވާއިރު ވެސް ވެލިގަނޑު މަތި ހުސް ނުވާނެ އެވެ.

އެހެން ނަމަވެސް އޭގެ ދުވަސް ކޮޅެއް ފަހުން އިރު އޮއްސުމަށް ފަހު ވެލިގަނޑުމައްޗަށް ދާ މީހުން ކުއްލިއަކަށް މަދުވިއެވެ. އެއީ ވެލިގަނޑުމަތިން އެއްޗެހި ފެންނަ ކަމަށް ބުނެ ދެކެވުނު ވާހަކައެއްގެ ސަބަބުން ކަމަށް ވެ އެވެ. އެތަނަށް ދާ މީހުންގެ ހެޔަށް ގޮތް ވެގެން ވެއްޓޭ ވާހަކައެވެ. އޭގެ ފަހުން އެތަނަށް ރޭގަނޑު ކަސްރަތަށް ދާ މެދު އުމުރުގެ މީހުންވެސްއެތަނަށް ދާން ކޮންމެވެސް ވަރަކަށް ޖެހިލުންވާން ފެށިއެވެ.

މިކަންތައް ގަބޫލު ނުކުރާ މީހުން ބުނަނީ އެއީ މާގިނައިން މީހުން ވެލިގަނޑަށް ދާތީ މީހުން ބިރުގަންނަވަން ދައްކާ ހަގީގަތެއް ނެތް ވާހަކައެއް ކަމަށެވެ. އެހެން ކަމުން މިފަހަރު މި ދިމާވެގެން އުޅޭ ކަންތައްވެސް ގިނަ މީހުން މާނަ ކުރަނީ ހަމަ އެގޮތަށެވެ. މާގިނައިން އެސަރަހައްދަށް މޫދަށް ދާތީ މީހުން ބިރު ގެންނެވުމަށްޓަކައި ދައްކާ ވާހަކަ އެއް ކަމަށެވެ.

މޫދަށް އެރޭ ސަރަހައްދުން “ކަނޑު ގެރި” އެއް ފެނުނު ވާހަކަ އިވުމުން ބައެއް މީހުން އެސަރަހައްދަށް ގޮސް އެ އެއްޗެއް ފެނޭތޯ ބެލި ކަމަށްވެސް ވެއެވެ. މީގެ އިތުރުން ކުޅުދުއްފުށީ ޕޮލިހުންވެސް ވަނީ އެ ސަރަހައްދުގެ މޫދު އަޑި ބަލާފައި އެވެ. ޕޮލިހުންނަށް އަތުޖެހުނީ މޫދު އަޑީގައި އޮތް ޓަޔަރެކެވެ. އެކަމަކު އެ ފޮޓޯއިން ފެންނަ އެއްޗެއް ޓަޔަރަކާ ވައްތަރެއް ނޫނެވެ.

މި ހަބަރު ފެތުރުމާއެކު ކުޅުދުއްފުށީގެ ބައެއް ރައްޔިތުންނަށް ވަނީ ބިރުވެރި ކަމެއްގެ ތެރޭގައި އެވެ. ހާއްސަކޮށް މެދު އުމުރުގެ އަންހެނުންނާއި ބައެއް ޒުވާން އަންހެން ކުދިން މިހާރު އެސަރަހައްދަށް ދިއުން ވަނީ ހުއްޓާލާފައި އެވެ. އަދި މިހާރު މިމައްސަލައިގައި ފުލުހުން ވެސް ކަންތައްތަކެއް ދަނީ ބަލަމުން ނެވެ. އެގޮތުން އެފޮޓޯ އިތުރަށް ދިރާސާކުރުމުގެ މަސައްކަތް ފުލުހުން ދަނީ ކުރަމުން ނެވެ.

ތަފާތު ގޮތްގޮތަށް ވާހަކަ ދެކެވެމުން އައި ނަމަވެސް އެ ފޮޓޯ ނެގި މީހާ ބުނަނީ އެއީ އެޑިޓް ކޮށްފައިވާ ފޮޓޯ އެއް ނޫން ކަމަށެވެ. މިކަމުގެ ހަގީގަތަށް ވާސިލުވުމަށް އަދި ދުވަސްކޮޅެއް ނަގާނެ ކަމަށް ބެލެވެ އެވެ.

މެންގްރޫވްސް ފޯރ ދަ ފިއުޗަރ ޕުރޮގްރާމްގެ ދަށުން ހިންގާ ސްމޯލް ގްރާންޓް ފެސިލިޓީގެ ދެވަނަ ފިޔަވަހީގެ ޕުރޮޕޯސަލް ހުށަހެޅުމުގެ ފުރުޞަތު ހުޅުވާލައިފި އެވެ.

މި ޕުރޮގްރާމަކީ އައްސޭރިފަށާއި ގޮނޑުދޮށްތައް ހިމާޔަތް ކުރުމަށް ސަރަހައްދީ ޤައުމުތަކުން ގުޅިގެން އެކި ޖަމާއަތްތަކުގެ އެހީ ލިބިގެން ޔުނައިޓެޑް ނޭޝަންސް ޑިވެލޮޕްމެންޓް ޕުރޮގްރާމް (ޔޫއެންޑީޕީ) އިން ހިންގަމުން ގެންދާ ޕުރޮގްރާމެކެވެ.

މި ޕުރޮގްރާމްގެ ދަށުން ފައިސާގެ އެހީ ދިނުމަށް ހަމަޖެހިފައި ވަނީ ކުދި މަޝްރޫޢުތައް ހިންގުމަށް 10000 ޑޮލަރާއި  25000 ޑޮަލަރު އާ ދެމެދުގެ ޕުރޮޖެކްޓް ތަކަށް ކަމަށް ޔޫއެންޑީޕީން ނެރެފައިވާ އިއުލާނެއްގައި ވެ އެވެ.  ފައިސާގެ އެހީ ދިނުމަށް ހަމަޖެހިފައިވަނީ ޤައުމީ އަދި ރަށު ފެންވަރުގައި މިފަދަ މަސައްކަތް ކުރާ ޖަމިއްޔާ ތަކަށާއި ތައުލީމީ އިދާރާ ތަކަށެވެ.

ޔޫއެންޑީޕީން ބުނެފައިވާ ގޮތުގައި، މި ޕުރޮގްރާމަކީ، އެ މުޖްތަމަޢެއްގައި ދިރިއުޅޭ ބަޔަކު ބައިވެރިކޮށްގެން ތިމާވެއްޓަށް ދިމާވާ މައްސަލަތަކުގެ ހައްލު ހޯދުމުގެ މަޤްޞަދުގައި ކުރިއަށް ގެންދާ ޕުރޮގްރާމެކެވެ. އެގޮތުން  ގުދުރަތީ ފެންގަނޑު ތަކާއި ޗަސްބިންތައް އާލާކޮށް އެތަންތަނުގައި ދެމެހެއްޓެނިވި ގޮތަކަށް އާމްދަނީ ލިބޭ މަސައްކަތެއް ކުރަން ބޭނުންވާ ފަރާތްތަކަށާއި މުޖުތަމަޢުއަށް ސީދާ ފައިދާ ކުރާނެ އަދި އާންމު ދިރިއުޅުމުގެ ފެންވަރު ރަނގަޅު ކުރުމަށް ހިންގާ ޕްރޮޖެކްޓް ތައް ހިމެނޭނެ އެވެ.

މީގެ އިތުރުން މޫސުމަށް އަންނަ ބަދަލާއި ގުޅިގެން މުޖުތަމަޢުއަށް ދިމާވާ ގެއްލުންތަކުން މުޖުތަމަޢުގެ ފެންވަރު ރަނގަޅު ކުރުމަށް ހިންގާ ޕުރޮޖެކްޓް ތަކާއި އައްސޭރިފަށް ދެމެހެއްޓެނިވި ގޮތަކަށް ހިމާޔަތް ކުރުމުގެ ޕުރޮޖެކްޓްތައްވެސް ހިމެނެ އެވެ.

ތިމާވެއްޓަށް ވާ ގެއްލުންތައް ކުޑަކޮށް ހޭލުންތެރި ކުރުމާއި ކުނި ނައްތާލުމާއި ކުނި މަދުކުރުން އަދި ދިރޭތަކެތީގެ ނަސްލު ހިމާޔަތް ކުރުމަކީވެސް މި ޕްރޮގާމްގައި އިސްކަން ދެވޭނެ ކަންކަމެވެ.

މި ޕުރޮގްރާމްގެ ދަށުން ރާއްޖޭގައި ހިންގާ ހަރަކާތްތައް ބަލަހައްޓާނީ އެކަމަށް ރާއްޖެއިން އައްޔަން ކުރެވިފައިވާ ކޮމިޓީ ކަމަށްވާ ނެޝަނަލް ކޯޑިނޭޓިންގ ބޮޑީ (އެން.ސީ.ބީ) އިންނެވެ.

ޔޫއެންޑީޕީން މައުލޫމާތު ދޭ ގޮތުގައި މިކަމަށް ޝައުގުވެރިވާ ފަރާތްތަކުން އަންނަ ފެބްރުއަރީ މަހުގެ 26 ގެ ކުރިން ޕުރޮޕޯސަލް ހުށަހެޅުމުގެ ފުރުޞަތު ވަނީ ހުޅުވާލެވިފަ އެވެ.

ކުޅުދުއްފުށީގެ ބަޔަކު ހދ މާވައިދޫ ގޮނޑު ދޮށުން ވެލި ނަގައިގެން އެރަށުން ފުރަން ތައްޔާރުވަނިކޮށް ފުލުހުން ގޮސް އެކަން ހުއްޓުވައިފި ކަމަށް ހަބަރު ލިބިއްޖެ އެވެ.

ކުޅުދުއްފުށީ އޮންލައިނަށް މައުލޫމާތު ލިބިފައިވާ ގޮތުގައި، ހދ ނޮޅިވަރަމްފަރަށް މީހުން ބަދަލުކޮށްފައިވާ ހދ މާވައިދޫ ގޮނޑުދޮށުން ވެލި ނަގާކަން ރިޕޯޓުކޮށްފައިވަނީ ހދ އަތޮޅު ކައުންސިލަށާއި ފުލުހުންނަށެވެ. ހދ އަތޮޅު ކައުންސިލަށް އެމައްސަލަ ހުށަހެޅުމުން ހަމަ އެވަގުތު ފުލުހުންނަށް އެކަން ރިޕޯޓު ކޮށްފައިވާ ކަމަށް ހދ އަތޮޅު ކައުންސިލުގެ ރައީސް ވިދާޅުވި އެވެ.

ހދ އަތޮޅު ކައުންސިލުގެ ރައީސް މުހައްމަދު ޝުކޫރު ވިދާޅުވީ ހދ މާވައިދޫއިން ބަޔަކު ވެލި ނަގަމުންދާ މައްސަލަ އެކައުންސިލަށް ހުށަހެޅުމުން ފުލުހުންނަށް އެކަން އެންގި ކަމަށެވެ. އަދި، ފުލުހުން އެރަށަށް ގޮސް އެވަގުތު އެރަށުގައި ވެލިނަގަން ތިބި މީހުން ނަގާފައިހުރި ވެލިތައް އެރަށަށް ހުސްކުރި ކަމަށް އޭނާ ވިދާޅުވި އެވެ.

މުހައްމަދު ޝުކޫރު ވިދާޅުވީ އެރަށަކީ ހދ އަތޮޅު ކައުންސިލުގެ ބެލުމުގެ ދަށުގައި އޮންނަ ރަށެއް ނޫން ކަމަށެވެ. މިހާރު އެރަށް ހަވާލުވެފައިވަނީ މަތިއުތުރު ސަރަހައްދުގެ ގައުމީ އިދާރާ އިން ކަމަށް ޝުކޫރު ވިދާޅުވި އެވެ.

މިމައްސަލާގައި ފުލުހުންގެ މީޑިޔާ އޮފިޝަލަށް ރޭގެ ވަގުތެއް ގުޅުމުން ވިދާޅުވީ، އެފަދަ މައްސަލައެއް ފުލުހުންގެ އިދާރާގައި ފައިލް ކޮށްފައި ނުވާ ކަމަށެވެ. އަދި، އެފަދަ މައްސަލައެއްގައި ފުލުހުން ހދ މާވައިދޫ އަށް ދިޔަކަމެއް ވެސް އެނގެން ނެތްކަމަށް މީޑިޔާ އޮފިޝަލް ވިދާޅުވި އެވެ.

ހދ. މައިވާދޫ ގެ ގޮނޑުދޮށުން ވެލިނެގީ ކުޅުދުއްފުށީގެ ކޮން ދޯންޏަކުން ކަން އަތޮޅު ކައުންސިލް، ޕޮލިސް އަދި ގައުމީ އިދާރާއިންވެސް ވަނީ ސާފުވާގޮތް ނުވެފައެވެ.