މިމުބާރާތުގައި ރޭވެސް ވަނީ ވަރަށް ފޯރިގަދަ 2 މެޗުކުޅެފައެވެ. މިގޮތުން ރޭގެ ފުރަތަމަ މެޗުގައި ބައްދަލުކޮށްފައިވަނީ ޒިގްޒެގް ރިވެންޖް އަދި ނޮކްއައުޓެވެ. މިމެޗު ނިމިފައިވަނީ 2 ލަނޑު 2 ލަނޑުން އެއްވަރުވެގެންނެވެ. މިމެޗުގައި ޒިގްޒެގް ރިވެންޖަށް ލަނޑުޖަހައިދީފައިވަނީ އެޓީމް ގެ ޖާޒީ ނަންބަރ 2 އިބްރާހިމް މުހައްމަދު އާއި ޖާޒީ ނަންބަރ 11 އަލީ އާދަމްއެވެ. ޓީމް ނޮކް އައުޓްގެ 2 ލަނޑުވެސް ޖަހައިދީފައިވަނީ އެޓީމްގެ ޖާޒީ ނަންބަރ 11 އަހުމަދު ނަދީމްއެވެ. މި މެޗުގެ މޭން އޮފްދަ މެޗަކަށް ހޮވިފައިވަނީ ނޮކްއައުޓް ޓީމަށް 2 ލަނޑުކާމިޔާބުކޮށްދިން އެޓީމްގެ ޖާޒީނަންބަރ 11 އަހުމަދު ނަދީމްއެވެ.

ރޭކުޅެވުނު 2 ވަނަ މެޗުގައި ބައްދަލުކޮށްފައިވަނީ ނިއުއޭޖް އަދި ލެސިކްސްއެވެ. މިމެޗު ނިމިފައި ވަނީ 2 ލަނޑު 0 ލަނޑުން ލެސިކްސް މޮޅުވެގެންނެވެ. މިމެޗުގައި ޓީމް ލެސިކްސްއަށް ލަނޑުޖަހައިދިނީ އެޓީމްގެ ޖާޒީ ނަންބަރ 12 އާދަމް މުހައްމަދު އާއި ޖާޒީ ނަންބަރ 9 އަބްދުﷲ މުހައްމަދުއެވެ. އަދި މިމެޗުގެ މޭން އޮފް ދަމެޗަކަށް ހޮވިފައިވަނީ ލެސިކްސްގެ ޖާޒީ ނަންބަރ 7 އިބްރާހިމް އައްބާސްއެވެ.

މިމުބާރާތުގެ 4 ވަނަ ދުވަހު ކުޅުމަށް ހަމަޖެހިފައިވަނީ ގްރޫޕް އޭގެ 2 މެޗެވެ. އެގޮތުން ފުރަތަމަ މެޗުގައި ބައްދަލުކުރާނީ މިނީ ޒިގް ޒެގް އާއި ނިއުއޭޖް އިންވިސިބަލްއެވެ. 2 ވަނަ މެޗުގައި ބައްދަލުކުރާނީ އަލް ފަޓަސް އެފް.ސީ އާއި ޒިގްޒެގް އަންލިމިޓެޑްއެވެ. މިދެމެޗުވެސް ކުޅެވޭނީ މިރެއެވެ.