ތަފާތު ގިނަބާވަތްތަކުގެ ތަރުކާރީއާއި މޭވާ އެކުލެވޭ “މެޑިޓްރޭނިއަން” ސްޓައިލްގެ ކެއުން ދަރިންނަށްދޭނަމަ، އެކުދީންގެ ސިއްޙަތު ހާސްބައި ރަނގަޅުވެފައި ނޭވާހިއްލުމުގެ ބައްޔާއި ދުރުވާކަމަށް، ދިރާސާއަކުން ދައްކައިފިއެވެ. އަނެއްކޮޅުން، ހަފުތާއަކު ތިންހަތަރު ބާގާރ އާއި ސަބްމެރީން ކާ ކަމަށްވާނަމަ، ނޭވާހިއްލުމުގެ ބައްޔާއި ދޯޅުކުރުވާކަމަށްވެސް ދިރާސާއިން ދައްކައެވެ.

މި ދިރާސާކޮށްފައިވަނީ ތަފާތު ވިހި ގައުމެއްގެ ބައިލައްކަ ކުދީންގެ މެދުގައެވެ. ތޯރެކްސް ޖާނަލްގައި ލިޔެފައިވާގޮތުގައި، މަހާއި މޭވާއާއި ތަރުކާރީގެ ބާވަތްތައް ކެއުމުގައި ބޭނުންކުރާނަމަ، ނޭވާހިއްލުމުގެ ބައްޔާއި ދުރުކޮށްދެއެވެ.

ދިރާސާކުރި ފަރާތްތަކުން ހާމަކުރާގޮތުގައި ބާގާރ ކެއުމާއި، (ނޭވާހިއްލުމަށް ސަބަބެއްކަމަށް މެދުވެރިވެދާފަދަ،) ސިއްހީގޮތުން ރަނގަޅު ނޫން، އެހެން އާދަތަކާއިވެސް ގުޅުން އެބަހުއްޓެވެ. ދިރާސާކުރިއިރު ބެލެނިވެރިންގެ ކިބައިން ސާފުކޮށްފައިވަނީ، ދަރިންގެ ކެއުމާއި ބެހޭގޮތުންނާއި، ދުވަހަކުވެސް ނޭވާލުމަށާއި ނޭވާހިއްލުމުގެ އުނދަގޫ ކުރިމަތިވިތޯއެވެ.

ނޭވާހިއްލުމަށް، ކާއެއްޗެތީގެ ނުފޫޒު ފޯރާ މިންވަރުވަނީ، ދިރިއުޅޭ ތަނާއި ގުޅިފައިވާކަން މި ދިރާސާއިން ފާހަގަކުރެވިފައި ވެއެވެ. މިގޮތުން، މުއްސަނދި ގައުމުތަކުގެ މީހުންނަށް ނޭވާހިއްލުމުން، ބޮޑަށް ރައްކާތެރިކަން ލިބެނީ މޭވާއާއި ތަރުކާރީ ކެއުމަށްވުރެ، މަސް ކެއުމުން ކަމަށް ދިރާސާގައި ފާހަގަކޮށްފައިވެއެވެ.

އިނގިރޭސިވިލާތުގެ އެސްމާ ޔޫކޭގެ ޑޮކްޓަރ އެލައިން ވިކާރޒް ބެލެނިވެރިންނަށް ގޮވާލައްވަނީ، ދަރިންނަށް ކާންދޭއިރު، ސިއްހީގޮތުން ރަނގަޅު ހުރިހާ ބާވަތެއްހަމައަށް އެކުލެވޭ، ބެލެންސް ޑައިޓެއް ދެއްވުމަށާއި، ދަރިން ލައްވާ ކަސްރަތުކުރުވުމަށެވެ.

އެސްމާ ޔޫކޭ އަކީ، ނޭވާހިއްލުމުގެ ބައްޔާމެދު ހޭލުންތެރިކުރުވާ ޖަމާޢަތެކެވެ.

އަހަރެމެންގެ ކެއުމުގެ ވައްޓަފާޅި އާއި މެދު

އަހަރެމެންގެ ކެއުމުގެ ވައްޓަފާޅި ވަރަށް ބޮޑަށް އެމެރިކާވަންތަ ވަމުންދާއިރު، އަހަރެމެންނަށް މީރުވެގެން ކަމުން މިގެންދާ ފްރެންޗް ފުރައިޒް އާއި ސަބްމެރީންތަކާއި، ބާގާރ ތަކުގެ އިތުރުން އިރުއިރުކޮޅާ ބޮމުންގެންދާ ސިނގިރޭޓާއި ކޮފީގެ ކޯވަރުތަކާމެދު މިވަނީ ވިސްނަންޖެހިފައެވެ.

ފަހަކަށް އައިސް ދިވެހިންގެ މެދުގައި ސިއްޙީގޮތުން ރަނގަޅުނޫން ދިރިއުޅުމުގެ އާދަތަކާއި ގުޅިފައިވާ، ގައިންގަޔަށް ނާރާ، ބަލިމަޑުކަން ޢާންމުވަމުންދާ ކަމަށް ސިއްޙީ ފަރާތްތަކުން ހާމަކުރައްވައެވެ. މިގޮތުން ލޭމައްޗަށް ދިޔުމާއި، ހަކުރުބައްޔާއި، ސްޓްރޯކުޖެހުމާއި، ހިތްހުއްޓުމާއި، ކެންސަރު ފާހަގަކުރެވެއެވެ.

ކުޅުދުއްފުށީގައިވެސް މި ދެންނެވި ބާވަތުގެ ބަލިތައް އާންމުވަމުން އަންނަކަމަށްވެއެވެ.