ދިވެހިރާއްޖޭއާއި ދުނިޔޭގެ ހުރިހާ ގައުމުތަކެއްގައިވެސް މިހާރު ފޯރިއާއި އެކުއިވެމުންދާ އަޑަކީ ވޯލްޑުކަޕްގެ މެޗްތަކުގެ ވާހަކަތަކެވެ. މިމަހު ފެށުނު ދުނިޔޭގެ އެންމެބޮޑު ފުޓްބޯޅަ މުބާރާތް ( ވޯލްޑުކަޕް ) ކުޅުދުއްފުށީގައިވެސް ދަނީ ފޯރިއާއި ޖޯޝާއެކު ބަލަމުންނެވެ.

މިގޮތުން ކުޅުދުއްފުށީގައި މިމުބާރާތުގެ މެޗުތައް ބެލުމަށް ތައްޔާރު ކުރެވިފައިވާ ތަންތަނުގައި ބޮޑު ސްކުރީނު ބަހައްޓައިގެން މެޗުތައް ބެލުމުގެ އިންތިޒާމު އެކިއެކި ފަރާތްތަކުން ވަނީ ހަމަޖައްސައިފައެވެ. މިހެން އިންތިޒާމްތައް ހަމަޖެހިފައި ހުންނާތީ މެޗް ބެލުމަށް އެތަންތަނަށް ގޮސް ތިބޭމީހުން ހިތްހަމަޖެހިފައި ތިބޭކަން ފާހަގަވެއެވެ. އަދި ވަކިވަކި ފަރުދުންގެ ގޭގެގައިވެސް ދަނީ ވަރަށް ފޯރީގައި މެޗުތައް ބަލަމުންނެވެ.

މެޗުތައް ބަލަމުންދާ ވަގުތުތަކުގައި ގޭމް ކުޅުންފަދަ ކަންތައް ތަކާއި ތަފާތު ވައްތަރު ތަކުގެ ކެއިން ބުއީމުގެ ހަރަކާތްތައް ވެސް ކުރިއަށްދާ ކަމުގެ މަޢުލޫމާތު ލިބެއެވެ.

ކުޅުދުއްފުށީގެ ރައްޔިތުންނަކީ އަބަދުވެސް ފުޓްބޯޅައަށް ލޯބިކުރާ ބައެއް ކަން، އަދި ހާއްސަ ކޮށް ވޯލްޑުކަޕްގެ މެޗުތައް ބެލުމަށް ސައުގުވެރިކަން ހުންނަ ބައެއް އުޅޭ ރަށެއްކަން ފާހަގަކޮށްލެވެއެވެ.