ކުޅުދުއްފުށީގައި ޓްރޭޑް ފެއަރ އެއް ފެށިގެން ކުރިޔަށް އެބަދެއެވެ. ޖުލައި މަހުގެ 23 އިން 26 އަށް ކުރިޔަށް ގެންދިއުމަށް ހަމަޖެހިފައިވާ މި ޓްރޭޑް ފެއަރ އިއްޔެ ހުޅުއްވައިދެއްވީ ކުޅުދުއްފުށީ ކައުންސިލަރ ޖަމްޝީދު މުޙައްމަދެވެ.

ހދ. އަތޮޅު ތަޢުލީމީ މަރުކަޒުގެ ޕީޓީއޭ އާއި ކުޅުދުއްފުށީ ވިޔަފާރިވެރިން ގުޅިގެން ބާއްވާ މިޓްރޭޑް ފެއަރގައި 15 ސްޓޯލެއް ވަނީ ހެދިފައެވެ. މިއިން ކޮންމެ ސްޓޯލެއް ވިއްކާފައިވަނީ 800 ރުފިޔާއަށްކަމަށް މަޢުލޫމާތު ލިބިފައިވެއެވެ.

މި ޓްރޭޑް ފެއަރ އިން ލިބޭފައިސާ ބޭނުންކުރާނީ ޕީޓީއޭއިން އިންތިޒާމްކުރާ ކަންތައްތަކަށް ކަމަށް އެފަރާތުން މަޢުލޫމާތު ދެއްވައެވެ.