އަންހެނުންނަށް ހާއްސަ ވޮލީ ކޯޗިން ކޭމްޕު ރޭ ފަށައިފި

އަންހެނުންނަށް ހާއްސަކޮށް ކުރިއަށްގެންދިއުމަށް ހަމަޖެހިފައިވާ ވޮލީ ކޯޗިން ކޭމްޕު ރޭ ފަށައިފި އެވެ.

ކުޅުދުއްފުށީ ކައުންސިލާ ޕޮލިހާ ގުޅިގެން ކުރިއަށް ގެންދިއުމަށް ހަމަޖެހިފައިވާ މި ކޭމްޕުގައި 35 ބައިވެރިން ބައިވެރި ވެފައުވާ ކަމަށް ކުޅުދުއްފުށީ ކައުންސިލްގެ ކައުންސިލަރ އިބްރާހިމް ރަޝީދު ވިދާޅުވި އެވެ.

ކުޅުދުއްފުށީ ޒޯން ސްޑޭޓިއަމް ގައި މި ފެބްރުއަރީ 1 ން 10 އަކަށް ކުރިއަށް ގެންދާ ކި ކޭމްޕުގައި ކިޔަވައި ދެއްވުމަށް ހަމަޖެހިފައިވަނީ ޕޮލިސް ބޭފުޅެއް ކަމަށާއި މި ކޭމްޕަކީ ހަމައެކަނި ކުޅުދުއްފުއްޓަށް ހުޅުވާލެވުނު ކޭޕްމެއް ކަމަށްވެސް އިބްރާހިމް ރަޝީދު ވިދާޅުވި އެވެ.

މި ކޭމްފުގެ މަގުސަދަކީ އަންހެނުންގެ މެދުގައި ވޮލީބޯލް ކުރިއަރުވާ ކުރިއަށްއޮތް މުބާރާތްތަކުގައި މޮޅު ޓީމެއް ކުޅުުދުއްފުށީން ނެރުން ކަމަށް އިބްރާހިމް ރަޝީދު ވިދާޅުވި އެވެ.

މި ކޭމްޕު ނިންމާ ބައިވެރިންނަށް ދެވިގެންދާނީ ވޮލީ ބޯލް އެސޯސިއޭޝަނުން ގަބޫލް ކުރާ ފެންވަރުގެ ސެޓްފިކެޓްކަމަށް ކުޅުދުއްފުށީ ކައުންސިލުން މައުލޫމާތު ދެއެވެ.