އަޅުގަނޑުވަނީ އިންސާފުން މަހުރޫމްކޮށްފައި: ޔާމީން

ދިވެހިރާއްޖޭގައި އަދުލުވެރިކަން އޮންނަންވާނެކަމަށާއި ދައުލަތުން އެދޭ ގޮތަށް ހުރިހާ ކަމެއް ކުރުމަކީ އަދުލުވެރިކޮށް ކަންތައް ކުރުމެއް ނޫން ކަމަށާއި އިންސާފުން އެމަނިކުފާނު މަހުރޫމްކޮށްފައިވާ ކުރީގެ ރައީސް އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެ އެވެ.

ރައީސް ޔާމީން މިހެން ވިދާޅުވީ އެމަނިކުފާނުގެ މައްޗަށް އުފުލާފައިވާ މަނީލޯންޑްރީންގެ މައްސަލައިގެ މިއަދު ކްރިމިނަލް ކޯޓްގައި މީޑިއާއަށް ލައިވްކޮށް ބޭއްވުނު ޝަރީއަތުގެ މަޖިލީހުގައި ވާހަކަފުޅު ދައްކަވަމުންނެވެ.

ޝަރީއަތުގެ މަޖިލީހުގައި ރައީސް ޔާމީނަށް ލިބުނު ފުރުސަތުގައި ވާހަކަފުޅު ދައްކަވަމުން ވިދާޅުވީ ޖިނާއި އިޖުރާތާއި ހިލާފަށް އެމަނިކުފާނާއި ނުގުޅޭ މައްސަލައެއްގައި ޖަލަށްލާފައިވާކަމަށާއި މިހާތަނަށް އެއްވެސްކަމެއް ސާބިތުނުވެ އެކަށީގެންވާ ދަލީލެއް ނެތި އާމްދަނީ ހޯދަންކޮށްފައިހުރި މަސައްކަތުން ލިބުނު ފައިސާކޮޅު ކޯޓުން ފްރީޒް ކޮށްފައިވާ ކަމަށެވެ.

"ޖިނާއީ އިޖްރާތާއި ހިލާފަށް އަޅުގަނޑާއި ނުގުޅޭ މައްސަލައެއްގައި ވަނީ ޖަލަށް ލާފައި. އެހެންވީމަ ފެށުނީންސުރެން މިމައްސަލައިގައި ބިސްމިކީ ހިސާބުން އަޅުގަނޑު މިވަނީ އިންސާފުން މަހުރޫމްކޮށްފައިވާ ކަމަށް. ހަމައެއާއެކު ދަންނަވާލަން ބޭނުންވަނީ އަޅުގަނޑުގެ މައްޗަށް އެއްވެސް ކަމެއް ސާބިތުނުވެ އެކަށީގެންވާ ދަލީލެއްނެތި މިއޮތްހާ ދުވަސް މިދަނީ އަޅުގަނޑު އާންމުދަނީ ހޯދަން ކޮށްފަހުރި މަސައްކަތުން އަޅުގަނޑަށް ލިބިފައި ހުރި ހުރިހާ ލާރިއެއް ބޭންކުގައި ހުއްޓާ އެ ހުރިހާ ލާރިއެއް ފްރީޒް ކޮށްފައިވާ އެއްފަހަރަށް ވުރެން ގިނަފަހަރުމަތިން މިކޯޓުން ފްރީޒްކޮށްފައި މިއީ ނިހާޔަތަށް މިކޯޓުން އަޅުގަނޑަށް އަނިޔާ ލިބިފައިވާ ދެ މައްސަލަ." ރައީސް ޔާމީން ވިދާޅުވި އެވެ.

މިހާރު މައްސަލަ ބެއްލެވުމަށް އެކުލަވާލައިފައިވާ ބެންޗުގައި އިންނެވި މައްސަލަ ބައްލަވާ އިސް ގާޒީއާއި ދޭ ތެރޭގައި ރައީސް ޔާމީނުގެ ލޯޔަރުން އެނެއްގެވި ނުކުތާއަކީ އިސްގާޒީއާއި ދޭތެރޭ ހިތްނުތަނަވަސް ކަންތައްތަކެއް ހުރިކަމަށް ރައީސް ޔާމީން ވިދާޅުވި އެވެ.

"އަޅުގަނޑު ދަންނަވާލަން ބޭނުން ވަނީ އަޅުގަނޑުގެ ލޯޔަރުން އެނަންގަވާ ނުކާތާއަކީ އިސްގާޒީއާއި ދޭތެރޭ ހިތް ނުތަނަވަސް ވާކަންތައްތަކެއް އެބަހުރި. ފަނޑިޔާރުންގެ ގާނޫނަކީ އެގާނޫނުގެ އެމާއްދާ ރައްދުވާ ހުރިހާ އެންމެންވެސް ހަމަހަމަކަމާއެކީ ގަބޫލުކުރަންޖެހޭ މާއްދާއެއްކަން އެއީ ގާނޫނު ހިނގާނީ ހުރިހާ އެންމެން މައްޗަށް އެއް އުސޫލަކުން އެއްހަމަޔަކުންކަން ގަބޫލު ކުރަންވާނެ. ގާނޫނުގައި ކަނޑައެޅިގެން މަނާކޮށްފައި އޮތް ކަމެއް އިސްފަނޑިޔާރަށް ކުރެވިފައި އޮތް ކަމަވަންޏާ އެއަށް ރިޔާއަށްކޮށް ދިނުމަކީ އަޅުގަނޑު މިހާރު އޮތް ބެންޗުގައި އެދޭކަމަށް."

"އަޅުގަނޑު މިހެން މިދަންނަވާލަނީ މިހާ ހިސާބަށް މައްސަލަ ގޮސް މިހުރިހާ ކަމެއް ނިމިފައި އޮތް އިރު ރެކޯޑިން ތަކާއި ފޯލިއޯއާއި ހުރިހާ ފައިލްތަކާއި ހުރިހާ އެއްޗެއް ފަނޑިޔާރުންގެ އަތްޕުޅުގައި ހުންނައިރު އެއްވަނަ ދުވަހުން ފެށިގެން އަޅުގަނޑު މިވަނީ އިންސާފުން މަހުރޫމްކޮށްފައި." ޔާމީން ވިދާޅުވި އެވެ.

އަދި މިއަދާއި ހަމައަށް އެމަނިކުފާނު އެކައުންޓް ފްރީޒްކޮށްފަހުރި ހުރުމަކީ އިންސާފުން މަހުރޫމްވެގެންދާ ކަމެއް ކަމަށާ އެހެންވީމަ ކުރިއަށް އޮތް ތަނުގައި އިންސާފު ލިބޭނެގޮތަކަށްށެވެ. އެކަމަށް އެދޭކަމަށް ޝަރީއަތުގެ މަޖިލީހުގައި ޔާމީން ވިދާޅުވި އެވެ.

"ދިވެހިރާއްޖޭގައި އަދުލުވެރިކަން އޮންނަންވާނެ. ދައުލަތުން އެދޭގޮތަށް ހުރިހާ ކަމެއް ކުރުމަކީ އަދުލުވެރިކޮށް ކަންތައްތައް ކުރުމެއް ނޫން. އެހެންވީމާ އަޅުގަނޑުމެންގެ ޕްރޮޓެސްޓް ވަރަށް ސީރިއަސްކޮށް ބަލައިދިނުމަށް." ރައީސް ޔާމީން މިއަދު ޝަރީއަތުގެ މަޖިލީހުގައި އެދިވަޑައިގެންނެވި އެވެ.

މިއަދުގެ ސަރީއަތުގެ މަޖިލީހުގައި ދައުލަތަށާއި ދައުވާލިބޭ ފަރާތަށް ސަރީއަތުން ފުރުސަތު ދިނުމުން ދައުލަތުން ބުނެފައިވަނީ މައްސަލަ ކުރިއަށް ގެންދާނެ ގޮތާމެދު ގޮތް ނިންމުމަކީ ގާޒީގެ އިހްތިޔާރީ ބާރެއްގެ ގޮތުގައި ދީފައިވާ ކަމެއް ކަމަށާއި ގާޒީން ނިންމަވާ ކޮންމެ ގޮތަކަށް ވެސް ދައުލަތުން ކުރިއަށްދާނެކަމަށެވެ.

ރައީސް ޔާމީންގެ ފަރާތުން ސަރީއަތުގެ މަޖިލީހުގައި އެދިފައިވަނީ މައްސަލާގެ އިބްތިދާއީ އަޑުއެހުންތަކުން ފެށިގެން އަލުން ޝަރީއަތް ފެށުމަށް ކަމަށާއި މިހާތަނަށް މައްސަލާގައި އިންސާފު ލިބިފައިވާ ކަމަށް ގަބޫލު ނުކުރެވޭތީ ކަމަށެވެ.