ކުޅުދުއްފުށީގެ އައިސޮލޭޝަން ފެސިލިޓީއެއްގެ ގޮތުގައި ކޭޕީއެލްގެ ގެސްޓްހައުސް

ކޮވިޑް-19: ކުޅުދުއްފުށިން ކޮވިޑް-19 ގެ އަލާމާތެއް ފެނިއްޖެ ނަމަ އައިސޮލޭޝަން ފެސިލިޓީއެއްގެ ގޮތުގައި ބޭނުންކުރަން ހަމަޖެހިފައިވަނީ ކުޅުދުއްފުށި ސަރަހައްދީ ބަނދަރުގައި ހުންނަ ގެސްޓްހައުސް ކަމަށް ހަމަޖައްސައިފި އެވެ.

ކުޅުދުއްފުށީ ރީޖަނަލް ހޮސްޕިޓަލުގެ މެނޭޖަރު އަހުމަދު ދާއޫދު މިއަދު ކޭއޯއަށް ވިދާޅުވީ، ކުޅުދުއްފުށީގެ އައިސޮލޭޝަން ފެސިލިޓީއެއްގެ ހަމަޖެއްސި ގެސްޓްހައުސްގައި 42 ބެޑަށް ވުރެއް ގިނަ ބެޑްގެ ކެޕޭސިޓީ ހުންނާނެ ކަމަށެވެ.

އޭނާ ވިދާޅުވީ، އެތަނުގެ ގުރައުންޑް ފްލޯ ތައްޔާރުކޮށް އެތަނުގެ 6 ރޫމުގައި 12 އެނދު މިހާރު ޖަހާފައިވާ ކަމަށެވެ. އަދި ކޭއާރުއެޗުގައި ހުންނަ ޕްރައިވެޓް ދެ ރޫމްވެސް އާންމުންނަށް ދޫކުރުން ވަގުތީގޮތުން މެދުކަނޑާލާފައިވާ ކަމަށެވެ. އޭނާ ވިދާޅުވީ، އެ ދެ ރޫމްވެސް ބޭނުންކުރަން ހަމަޖެހިފައިވަނީ އައިސޮލޭޝަން ފެސިލިޓީއެއްގެ ގޮތުގައި ކަމަށެވެ.

ރާއްޖެ އިން ކޮވިޑް-19 ޖެހުނު މީހުންގެ އަދަދު 8 އަށް ވަނީ އަރާފަ އެވެ. ބަލި ފެތުރުނު ނުދިނުމަށް ސަރުކާރުން ދަނީ ހަރުދަނާ ފިޔަވަޅުތަކެއް އަޅަމުންނެވެ.