ރިސޯޓްތަކުންނާއި މާލެއިން ރަށްރަށަށް ދިޔަ މީހުންގެ ތެރެއިން ކޮވިޑް-19 އަށް ޝައްކުވާ އެއްވެސް އަލާމާތެއް ފެންނަނަމަ ލަސްނުކޮށް އެކަން އެންގުމަށް އެދެފި އެވެ.
ހެލްތު ޕްރޮޓެކްޝަން އޮތޯރިޓީ (އެޗްޕީއޭ)އިން މިރޭ ނެރުނު އެންގުމެއްގައި ބުނީ ވޭތުވެދިޔަ ތަނުގައި ރިސޯޓްތަކުންނާއި ސަފާރީތަކުންނާއި މާލެއިން ރަށްރަށަށް ދިޔަ މީހުން ކިރިޔާވެސް އަލާމާތެއް ފެނިއްޖެނަމަ އެކަން ލަސްނުކޮށް އެޗްޕީއޭއަށް އަންގަން ޖެހޭނެ ކަމަށެވެ. އެ މުވައްޒަފުން ރިސޯޓުތަކުން ފޭބުމުގެ ހުއްދަ ދިނީ ޓެސްޓް ހެއްދުމަށްފަހުއެއް ނޫނެވެ.
މިހާރު ރައްކާތެރިކަމުގެ ފިޔަވަޅެއްގެ ގޮތުން އެޗްޕީއޭއިން ވަނީ މުޅި މާލެ ސަރަހައްދު ލޮކްޑައުންކޮށްފަ އެވެ. އަދި މާދަމާ މުޅި ރާއްޖެ ލޮކްޑައުންއަށް ގެންނަން ވެސް އެޗްޕީއޭއިން ވަނީ ނިންމާފަ އެވެ.
ރާއްޖެ ޓޫރިސްޓުން އައުން މަނާ ކުރުމާއެކު ރިސޯޓްތަކުން ޓޫރިސްޓުން ހުސްވެ ބަންދު ކުރުމާއެކު އަދި ޓޫރިސްޓުން ރިސޯޓުން ފޭބިތާ 14 ދުވަސްވުމާއެކު ގިނަ ރިސޯޓް މުވައްޒަފުން ވަނީ އެމީހުން ރަށްރަށަށް ފުރަފުރައިގެން ގޮސްފަ އެވެ.
އެޗްޕީއޭގެ އެންގުމުގައި ބުނީ ރަށްރަށުގައި މީހުން އެއްވެ އުޅުމާއި ޕާޓީތަކާއި މާހެފުން ފަދަ ހަރަކާތްތައް ކުރިއަށް ނުގެންދިޔުމަށް އަންގާފަ އެވެ. އަދި، ޒަރޫރީ ބޭނުމެއްގައި ނޫނީ ގެއިން ނުނިކުތުމަށް ވެސް ވަނީ އަންގާފަ އެވެ.
ސަރުކާރަށް 17 މަސްވެގެންދާއިރު ކުޅުދުއްފުއްޓަށްވީ ކަމެއް ނެތް: ރިލޭ
ކުޑަކުއްޖަކު ވަގަށް ނެގި ސައިކަލެއް 20 މިނެޓްތެރޭގައި ހޯދައި ހަވާލުކޮށްދީފި
އެކްސިޑެންޓްގައި ސީރިއަސް އަަނިޔާވި މީހާގެ ހާލު ސްޓޭބަލް
ބަޖެޓްގައި ޖަހާފައިވެސް ބަނދަރުގެ މަސައްކަތް ނުފެށުނު، އެކަން ކޮށްދޭން ތަކުރާރުކޮށް އެދެނީ
