ކޮވިޑް ޖެހިގެން ރާއްޖޭގައި ދެވަނަ މީހަކު މަރުވެއްޖެ

ފިޓްޖެހިގެން ރޭގައި އައިޖީއެމްޗަށް ގެންދިޔަ ބަންގްލަދޭޝްގެ މީހާ މަރުވެއްޖެ އެވެ. އެ މީހާ ހޮސްޕިޓަލަށް ގެންގޮސް ޓެސްޓް ކުރިއިރު ކޮވިޑް-19 އަށް ޕޮޒިޓިވް ވެފައިވާ ކަމަށް އެޗްޕީއޭ އިން ރޭ ބުނެފައި ވެ އެވެ.

އެ މީހާ ހާލު ސީރިއަސްކަން، ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ރޭ ހާމަކުރި އެވެ. އެނާ މަރުވީ އައިޖީއެމްއެޗްގައި ފަރުވާދެމުން ދަނިކޮށް މިއަދު އެވެ. އޭނާ މަރުވުމުގެ ކުރިން ފިޓްޖެހި ހަށިގަނޑުގެ ނާރެއް ފަޅައިގެން ދިޔަ ކަމަށް ވެއެވެ.

މި ވައިރަސް ޖެހުނު މީހުންގެ ތެރެއިން ރާއްޖެއިން މަރުވި މިއީ ދެވަނަ މީހާ އެވެ. މިދިޔަ ބުދަ ދުވަހުރޭ މަރުވެފައި ވަނީ، 83 އަހަރުގެ ދިވެހި އަންހެނެކެވެ.

މިއަދު މާލެއިން އިތުރު 6 މީހަކު ކޮރޯނާވައިރަހަށް ޕޮޒިޓިވްވެ ރާއްޖެއިން މި ބައްޔަށް ޕޮޒިޓިވްވި މީހުންގެ އަދަދު 557 އަށް މިވަނީ އަރައިފި އެވެ.