ކޮވިޑު ޖެހުނު އިތުރު 15 މީހަކު ރަނގަޅު ވެއްޖެ

ރާއްޖެއިން ކޮވިޑް-19 ޖެހުނު މީހުންގެ ތެރެއިން އިތުރު 15 މީހަކު ބަލިން ރަނގަޅުވެއްޖެއެވެ. މިއާއި އެކު ރާއްޖޭން މި ބަލިން ރަނގަޅުވި މީހުންގެ އަދަދު މި ވަނީ 74 އަރާފައެވެ.

ރަނގަޅުވި މީހުންގެ ތެރޭގައި ހިމެނެނީ މީގެ ތެރޭގައި ހިމެނެނީ ހަތް ދިވެހިން އަދި އަށް ބަންގްލަދޭޝް މީހުން ކަމަށް އެޗްޕީއޭ އިން ބުންޏެވެ. އެއީ 4 އަންހެނުންނާއި 11 ފިރިހެނުންނެެވެ.

މިރޭގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެޗްޕީއޭގެ އެޕްޑޮމެލެޖިސްޓް ޑރ. އިބްރާހިމް އަފްޒަލް ވިދާޅުވީ އިއްޔެގެ 12 ޖެހުމާ ހަމައަށް 15 މީހުން އަދި މިއަދު ދެ މީހަކު ރަނގަޅުވެފައި ވާކަމަށެވެ.

ރާއްޖެއިން މިހާތަނަށް ބަލި ޖެެހުނު މީހުންގެ އަދަދު ވަނީ 1106 އަށް އަރައިފައެވެ. ބަލިޖެހިގެން މަރުވެފައިވަނީ ހަތަރު މީހުންނެވެ. ސިއްހީ މާހިރުން ލަފާ ކުރައްވާ ގޮތުގައި މި ދެ ހަފުތާގައި މާލޭގެ ހާލަތު އިތުރަށް ގޯސް ވެދާނެ އެވެ.