އިތުރު 22 މީހަކު ކޮވިޑަށް ޕޮޒިޓިވް ވެއްޖެ

ރާއްޖޭން އިތުރު 22 މީހަކު ކޮވިޑަށް ޕޮޒިޓިވް ވެއްޖެ އެވެ.

މިއާއިއެކު ރާއްޖެއިން މި ބަލި ޖެހުނު މީހުންގެ ޖުމްލަ އަދަދު މިވަނީ 1872 އަށް އަރާފައެވެ.

އެޗްޕީއޭ އިން ބުނީ މިއަދު ޕޮޒިޓިވްވީ ނުވަ ދިވެހީންނާއި ބަނގްލަދޭޝްގެ 10 މީހުންނާއި އިންޑިއާގެ ތިން މީހުން ކަމަށެވެ.

މި ވަގުތު ރާއްޖޭން މި ބައްޔަށް ފަރުވާ ހޯދަމުން ދަނީ 1،215 މީހުންނެވެ. އަދި އައިސޮލޭޝަން ފެސިލިޓީތަކުގައި 1،196 މީހަކުތިބި އިރު ކަރަންޓީން ފެސިިލިޓީތަކުގައި ޖުމްލަ 1،478 މީހަކު އެބަތިއްބެެވެ.

ބަލިން ރަނގަޅުވެފައިވާ މީހުންގެ އަދަދު 648 އަރާފައިވާއިރު މި ބަލިން މިހާތަނަށް ރާއްޖޭން ވަނީ 7 މީހަކު މަރުވެފައެވެ. އެއީ 4 ދިވެހިންނާއި 3 ބިދޭޝީންނެވެ.