ރެކޯޑު އަދަދެއް، މިއަދު 152 މީހުން ޕޮޒިޓިވް ވެއްޖެ

މިއަދު 152 މީހަކު ކޮވިޑަށް ޕޮޒިޓިވް ވެފައިވާ ކަމަށް އެޗްޕީއޭއިން ބުނެފި އެވެ. މިއީ މިހާތަނަށް ރާއްޖޭގައި ކޮވިޑް-19 ފެތުރުން ފަހުން އެންމެ ގިނަ މީހުން ޕޮޒިޓިވްވި ދުވަހެވެ.

އެޗްޕީއޭއިން ދެންމެ ބުނީ މިދިޔަ 24 ގަޑިއިރުގެ ތެރޭގައި ކޮވިޑަށް 1490 މީހެއްގެ ސާމްޕަލް ޓެސްޓްކޮށްފައިވާ ކަމަށެވެ. އޭގެ ތެރެއިން 152 ސާމްޕަލްއެއް ޕޮޒިޓިވްވެފައިވާ ކަމަށެވެ.

އޭގެ ތެރޭގައި ހިމެނެނީ 89 ދިވެހިންނާއި ބަންގްލަދޭޝްގެ 54 މީހަކާއި އިންޑިއާގެ ފަސް މީހެއްގެ އިތުރުން ސްރީލަންކާގެ ހަތަރު މީހެކެވެ.

✳️ COVID-19 Case Updates

As of 06:00 PM

Confirmed an additional 152 cases of COVID-19 infections in Maldives

- 89 Maldivians
- 54 Bangladeshis
- 5 Indians
- 4 Sri Lankans

Total number of cases: 3,719 pic.twitter.com/5uyicyKXQa

— Health Protection Agency (@HPA_MV) July 30, 2020

މިއަދު ޕޮޒިޓިވްވި މީހުންގެ ތެރޭގައި އަތޮޅުތެރެއިން 10 މީހަކުވެސް ހިމެނެއެވެ. އޭގެ ތެރޭގައި ހއ ކެލާއިން ޕޮޒިޓިވްވީ ނުވަ މީހަކު ހިމެނެއެވެ. މިއަދު ޕޮޒިޓިވްވި މީހުންނާއެކު ރާއްޖޭގެ އަދަދު ވަނީ 3,719 އަށް އަރާފައެވެ.

ކޮވިޑްގައި ރާއްޖެއިން 16 މީހަކު ވަނީ މަރުވެފައެވެ. އެންމެ ފަހުން މީހަކު މަރުވީ މިއަދުއެވެ. މިއަދު މަރުވެފައި ވަނީ އުމުރުން 71 އަހަރުގެ ދިވެހި އަންހެނެކެވެ. މިއަދު ކޮވިޑް ބަލިން ރަނގަޅުވީ 14 މީހުންނެވެ. ރާއްޖެއިން ރަނގަޅުވީ މީހުންގެ އަދަދަކީ 2،568 އެވެ.

ލޮކްޑައުންގެ ހާލަތަށް ލުއި ދިންފަހުން ކޮންމެ ދުވަހަކު ވެސް ގިނަ އަދަދެއްގެ ބަޔަކު ދަނީ ކޮވިޑަށް ޕޮޒިޓިވްވަމުންނެވެ. މިއީ އެންމެ ގިނަ މީހުން ކޮވިޑަށް ޕޮޒިޓިވްވީ ދުވަހެވެ.