ކޮވިޑް ޖެހިގެން އިތުރު ދިވެއްސަކު މަރުވެއްޖެ

ރާއްޖޭގައި ކޮވިޑް-19 ޖެހިގެން އިތުރު ދިވެއްސަކު ރޭ މަރުވެއްޖެ އެވެ. މިއީ ރާއްޖެ އިން އެ ބަލީގައި މަރުވި 17 ވަނަ މީހާ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ އެއީ ނޭވާލާން އުނދޫވެގެން އިއްޔެ ހަވީރު 4:40 ގައި އައިޖީއެމްއެޗުގެ އިމަޖެންސީ ބަޔަށް ދިޔަ އުމުރުން 52 އަހަރުގެ އަންހެނެއް ކަމަށެވެ.

Tonight at 11:20pm, a 52 yr old Maldivian female has passed away at IGMH.

She came to ER with breathing difficulty at 04:40pm.

This is the 17th #COVID19 death in the Maldives.

Our thoughts & prayers are with the bereaved family. May Allah grant her soul eternal peace in heaven

— Health Protection Agency (@HPA_MV) August 1, 2020

މި ބަލީގައި މިހާތަނަށް ރާއްޖޭން މަރުވި މީހުންގެ ތެރޭގައި ހިމެނެނީ 11 ދިވެއްސަކާއި ހަ ބިދޭސީއެކެވެ.

މާލެ ސަރަހައްދުގެ ލޮކްޑައުންއަށްދިން ލުއިތަކަށްފަހު މިހާރު ކޮވިޑް ޖެހޭ މީހުންގެ އަދަދު އިތުރުވަމުންދާއިރު، އެ ބަލި ޖެހުނު މީހުންގެ އަދަދު ވަނީ 3،949 އަށް އަރައިފަ އެވެ.

އެގޮތުން އިއްޔެ ވެސް އަލަށް 134 ދިވެއްސަކު ކޮވިޑަށް ޕޮޒިޓިވް ވެފައިވާއިރު، މިއީ އެއް ދުވަހެއްގައި މިހާ ގިނަ ދިވެހިންނަށް އެ ބަލި ޖެހުނު ފުރަތަމަ ފަހަރެވެ.

މާލެ ސަރަހައްދުގައި އާންމު ތަންތަނުގައި އުޅޭއިރު މާސްކު އެޅުން ސަރުކާރުން ވަނީ މިހާރު މަޖުބޫރު ކޮށްފަ އެވެ. އެއާ ހިލާފުވާ މީހުން 1،000ރ. އިން ޖޫރިމަނާ ކުރެ އެވެ.