ކުއާޓާ ފައިނަލުގެ ފަހު ދެ ޖާގަ ބާސެލޯނާ އާއި ބަޔާނަށް

ޔުއެފާ ޗެމްޕިއަންސް ލީގުގެ ކުއާޓާ ފައިނަލުން ފުރުސަތު ބާސެލޯނާއާއި ބަޔާން ހޯދައިފި އެވެ.

ރޭ ނަޕޯލީ ބައްދަލު ކުރި މެޗުން ބާސެލޯނާ ކުއާޓާ ފައިނަލްގެ ޖާގަ ކަށަވަރު ކުރީ 1-3 ނަތީޖާއަކުންނެވެ. މި ދެ ޓީމު ނޭޕަލްސްގައި ކުޅުނު މެޗު ނިމުނީ 1-1 ން އެއްވަރު ވެގެންނެވެ. މެޗުގައި ކާމިޔާބު ކުރި ހަތަރު ލަނޑު ވެސް ޖެހީ ފުރަތަމަ ހާފުގަ އެވެ.

އަމިއްލަ ދަނޑުގައި ހޯދި މޮޅާ އެކު ބާސެލޯނާ ފުރުސަތު ހޯދީ 4-2 ގެ އެގްރިގޭޓުންނެވެ. ނޭޕްލްސްގައި ކުޅުނު މެޗު 1-1 އިން އެއްވަރުވީ އެވެ.

ޗެލްސީ ކުއާޓާ ފައިނަލަށް ދިޔައީ ރޭގެ މެޗުން ޗެލްސީއަތުން 1-4 ނަތީޖާއަކުން ކުރި ހޯދައިގެންނެވެ. ހަތަރު މަސް ކުރިން ކުޅުނު ފުރަތަމަ ލެގު މެޗުން ވެސް ބަޔާން އޮތީ ކްއާޓާ ފައިނަލަށް ދިއުމުން ބޮޑު ޔަގީން ކަމެއް ލިބިފަ އެވެ. ބަޔާނުން އަމިއްލަ ދަނޑުގައި މޮޅުވެ ޖާގަ ހޯދީ 7-1 ގެ އެގްރިގޭޓުންނެވެ. ލަންޑަނުގައި ކުޅުނު މެޗު ބަޔާން ކާމިޔާބުކުރީ 3-0 އިންނެވެ.

ކުއާޓާ ފައިނަލުގައި ބާސެލޯނާ ބައްދަލުކުރަން ޖެހޭނީ ބަޔާންއާ އެވެ. ބުދަ ދުވަހު ފަށާ ކްއާޓާ ފައިނަލުގެ ފުރަތަމަ މެޗުގައ ވާދަ ކުރާނީ އެޓަލާންޓާ އާއި ޕީއެސްޖީ އެވެ.