ކޮވިޑް ޖެހިގެން އަނެއްކާވެސް ދިވެއްސަކު މަރުވެއްޖެ

ކޮވިޑް-19 ޖެހިގެން އަނެއްކާވެސް ދިވެއްސަކު މަރުވެއްޖެ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފި އެވެ. މިއީ ރާއްޖެއިން މި ބަލިޖެހިގެން މަރުވި 41 ވަނަ މީހާ އެވެ.

އެޗްޕީއޭއިން ބުނީ ހުޅުމާލެ މެޑިކަލް ފެސިލިޓީގެ އައިސީޔޫގައި ފަރުވާ ދެމުންދަނިކޮށް މިއަދު 02:38 ގައި މަރުވެފައިވަނީ 45 އަހަރުގެ ދިވެހި އަންހެނެއް ކަމަށެވެ.

Today at 02:38pm, a 45 yr old Maldivian female admitted at HMF ICU has passed.

This is the 41st #COVID19 death in the Maldives.

Our thoughts and prayers are with the bereaved family. May Allah grant her soul eternal peace in heaven.

— Health Protection Agency (@HPA_MV) November 10, 2020

އެންމެ ފަހުން ރާއްޖެއިން ކޮވިޑް ޖެހިގެން މީހަކު މަރުވީ މިދިޔަ އާދިއްތަ ދުވަހު އެވެ. އެއީ އުމުރުން 43 އަހަރުގެ ބަންގްލަދޭޝް މީހެކެވެ.

ރާއްޖެއިން މިހާތަނަށް ކޮވިޑް-19އަށް ޖުމްލަ 12،009 މީހަކު ވަނީ ޕޮޒިޓިވްވެފަ އެވެ. އޭގެ ތެރެއިން 11،132 މީހަކު ވަނީ ބަލިން ރަނގަޅުވެފަ އެވެ. ބައްޔަށް ފަރުވާ ހޯދަމުންދާ މީހުންގެ އަދަދަކީ، 830 އެވެ.