އައިޑީކާޑު ޔުނިޓް ކައުންސިލަށް ބަދަލުކޮށް، ހިދުމަތް ފަސޭހަކޮށްފި

ކުޅުދުއްފުށީ ސަރަހައްދީ އޮފީހުގައި ހުންނަ އައިޑީކާޑު ޔުނިޓް ކައުންސިލްގެ އިދާރާއަށް ބަދަލުކޮށްފި އެވެ. މި ބަދަލާއެކު އައިޑީކާޑުގެ ހިދުމަތް ދެން ދޭނީ ކައުންސިލުންނެވެ.

ކުޅުދުއްފުށީ ކައުންސިލުން ބުނީ ކާޑު ހެއްދުމުގެ ހިދުމަތް ރަސްމީ ކޮންމެ ދުވަހެއްގެ 08:15 ން 11:00 އަށް ލިބޭނެ ކަމަށެވެ. އަދި އަޑީ ކާޑު ދޫކުރުމަށް ހަމަޖެހިފައިވަނީ ރަސްމީ ކޮންމެ ދުވަހެއްގެ 11:00 ން 12:00 އަށް ކަމަށެވެ.

ސަރަހައްދީ އޮފީހުގައި އައިޑީކާޑު ޔުނިޓް ހިންގިއިރުވެސް އެ ފޯމު ވެރިފައި ކުރަންށާއި ކާޑު ނަގަންދާން ޖެހެނީ ކައުންސިލަށެވެ. ކައުންސިލަށް އައިޑީކާޑު ޔުނިޓް ބަދަލުކުރުމުން ހިދުމަތް ހޯދައި ފަރާތްތަކަށް ފަސޭހަވެ، އެއްފުރާޅެއް ދަށުން ލިބިގެންދާނެ އެވެ.