ކޮވިޑްގައި 30 އަހަރުގެ މީހަކު މަރުވެއްޖެ

ކޮވިޑް ބަލި ޖެހިގެން ފަރުވާދެމުން ދިޔަ 30 އަހަރުގެ އަންހެނަކު މަރުވެއްޖެ އެވެ.

އެމީހާއަކީ ހުޅުމާލޭ މެޑިކަލް ފެސިލިޓީގައި އެޑްމިޓުކޮށްގެން ކޮވިޑަށް ފަރުވާ ހޯދަމުންދިޔަ މީހެކެވެ. އެމީހާ މަރުވެފައިވަނީ ފަރުވާދެމުން ދަނިކޮށް ފަތިހު 04:30 ގަ އެވެ.

ރޭ ވަނީ މިބަލީގައި އިތުރު މީހަކުވެސް ވަނީ މަރުވެފައެވެ. އެއީ 81 އަހަރުގެ ދިވެހި ފިރިހެނެކެވެ. ނާ މަރުވީ ރޭ މެންދަމު 02:38 ގައި ކަމަށް އެޗްޕީއޭއިން ވަނީ ބުނެފައެވެ.

މިއާއެކު ރާއްޖެއިން މިހާތަނަށް މަރުވި މީހުންގެ އަދަދު ވަނީ 96 އަށް އަރާފައެވެ.

ރާއްޖެއިން ކޮވިޑް-19 ގެ ކޭސްތައް އިތުރުވަމުން ދާއިރު ބަލީގައި މަރުވާ މީހުންގެ އަދަދު ވެސް ދަނީ އިތުރުވަމުންނެވެ. އެގޮތުން އިއްޔެ ވެސް މި ބަލީގައި 2 މީހަކު މަރުވެފައިވާއިރު ހުކުރު ދުވަހު ވެސް 5 މީހަކު ވަނީ މި ބަލީގައި މަރުވެފައެވެ.