މާލެ ސަރަހައްދުގައި ހުމާއި ރޯގާ ފެތުރޭތީ އައިޖީއެމްއެޗުން ފްލޫ ކްލިނިކެއް ހުޅުވަނީ

މާލެ ސަރަހައްދުގައި ވައިރަލް ހުމާއި ރޯގާ ފެތުރުން އިތުރުވުމުގެ ސަބަބުން އައިޖީއެމްއެޗުގައި ފްލޫ ކްލިނިކެއް ހުޅުވަން ނިންމައިފިއެވެ.

އައިޖީއެމްއެޗްގެ ފްލޫ ކްލިނިކް ހެދީ އެފްއޭއެމްގެ ކުރީގެ އިމާރާތުގައި ކަމަށެވެ.

މާދަމާއިން ފެށިގެން ކޮންމެ ދުވަހަކު ހެނދުނު 08:30 އިން ރޭގަނޑު 10:00 އަށް ފްލޫ ކްލިނިކްގެ ހިދުމަތްލިބޭނެ ކަމަށް އައިޖީއެމްއެޗްއިން ބުނެއެވެ.

ހުން، ރޯގާ އަދި ކެއްސުން ފަދަ އަލާމާތްތަކަށް ޚާއްސަ ފުލޫ ކްލިނިކެއް ހުޅުވާ ޚިދުމަތް ދިނުން pic.twitter.com/9IwZoxU4vf

— IGMH (@igmhmv) September 25, 2021

އައިޖީއެމްއެޗްއިން ވަނީ ހުން އައިސް، ރޯގާގެ އެއްވެސް އަލާމާތެއް ހުރިނަމަ އެ ހޮސްޕިޓަލަށް ނުދިއުމަށް އިލްތިމާސްކޮށްފައެވެ. އޭގެ ބަދަލުގައި ފްލޫ ކްލިނިކުން ހިދުމަތް ހޯދުމަށް އައިޖީއެމްއެޗުން ވަނީ އެދިފައެވެ.

އެޗްޕީއޭއިން މީގެ ކުރިން ބުނެފައިވާ ގޮތުގައި މާލެ ސަރަހައްދުގައި ވޭތުވެދިޔާ ތިން މަސް ތެރޭގައި ވައިރަލް ހުމާއި ރޯގާ ފެތުރުން ވަނީ ވަރަށް ބޮޑުތަނުން އިތުރުވެފައެވެ.

ކޮވިޑް ވެސް ފެތުރޭ އިރު، އާދައިގެ ރޯގާ އާއި ކޮވިޑްގެ އަލާމާތްތައް އެއްގޮތްކަމުން މިކަމުގައި ވެސް ސަމާލުވެ ކޮވިޑާ މެދު ފަރުވާ ކުޑަ ނުކުރުމަށް އެޗްޕީއޭން އިލްތިމާސްކުރެ އެވެ.