މޮނީޓަރިންނަށް ލާފައިވާ ރަށްތަކުގެ އަދަދު ދަށަށް

ކޮވިޑް-19 އާއި ގުޅިގެން މޮނީޓަރިންގެ ހާލަތަށް ގެނެސްފައިވާ ރަށްތަކުގެ އަދަދު ދަށްވެފައިވާކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން އެންމެ ފަހުން ނެރެފައިވާ ލިސްޓުން ދައްކައިފި އެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން އެންމެ ފަހުން އާންމުކުރި ލިސްޓުގައި އޮތީ 11 ރަށެކެވެ. ވޭތުވެދިޔަ ދެ ހަފްތާ ތެރޭގައި މޮނިޓަރިންއަށްލީ ރަށްތައް ވަނީ މަދު ވެފައިއެވެ.

މި މަސް ފެށުނު އިރު އެ ލިސްޓުގައި 23 ރަށެއް އޮތެވެ. އަދި މަހުގެ މެދު ތެރޭގައިވެސް އެ ލިސްޓުގައި 22 ރަށް އޮތެވެ. މިހާރު މޮނިޓަރިންގައި އޮތީ މިދިޔަ މަހުގެ 20 ވަނަ ދުވަހުން ފެށިގެން މިމަހުގެ 19 ވަނަ ދުވަހާ ހަމަޔަށް މޮނިޓަރިންއަށް ލައިފައިވާ ރަށްތަކެވެ.

ރާއްޖޭގައި ކޮވިޑް އެކްޓިވް ކޭސްތަކުގެ އަދަދަކީ 1،614 އެވެ. މިވަގުތު ހޮސްޕިޓަލުގައި ފަރުވާ ދެމުން ދަނީ 16 ފަރާތަކަށެވެ.