މޮނީޓަރިންގައި އޮތް ރަށްތަކުގެ އަދަދު މައްޗަށް

ކޮވިޑް ކޭސްތައް ފެނިގެން ހެލްތް ޕްރޮޓެކްޝަން އޭޖެންސީން މޮނީޓަރިންނަށް ލާފައިވާ ރަށްތަކުގެ އަދަދު 24 އަރައިފި އެވެ.

އެޗްޕީއޭގެ ލިސްޓް ބުނާ ގޮތުން އެންމެ ގިނަ ދުވަހު ބަންދު ކޮށްފައި އޮތް ރަށުގެ ގޮތުގައި މިހާރު އޮތީ އޮގަސްޓު މަހުގެ 28 ވަނަ ވަނަ ދުވަހު ބަންދުކުރި ސ. ހިތަދޫ އާއި މަރަދޫ އާއި މަރަދޫފޭދޫ އަދި ފޭދޫ އެވެ.

އެޗްޕީއޭއިން ބަންދުކޮށްފައިވާ ރަށްތަކުގެ އަދަދު މި ފަހަކަށް އަނެއްކާވެސް މިވަނީ މައްޗަށް ދާން ފަށާފަ އެވެ.

މިދިޔަ މަހު ބަންދުކުރި ރަށްތަކުގެ ތެރެއިން މިހާރު މޮނިޓަރިންގައި އޮތީ ސ. ހުޅުމީދޫ އާއި ފ. ނިލަންދޫ އެވެ. އޮކްޓޫބަރު މަހު 13 ރަށެއް ވަނީ މޮނިޓަރިންގެ ލިސްޓަށް އިތުރުކޮށްފަ އެވެ. އެއީ ލ. ގަން، ށ. ފީވަށް، ބ. ތުޅާދޫ، ނ. ހޮޅުދޫ، މ. މުލައް، ނ. ކެދިކުޅުދޫ، ކ. ގުރައިދޫ، ށ. ފުނަދޫ، މ. ދިއްގަރު، ގއ. ކޮލަމާފުށި އަދި ނ. މިލަދޫ އެވެ. މިމަހުގެ މިހާތަނަށް ބަންދުކޮށްފައިވަނީ ހަތަރު ރަށެކެވެ. އެއީ މ. މުލި، ނ. މަނަދޫ، ށ. ގޮއިދޫ، ބ. ހިތާދޫ އަދި ތ. ތިމަރަފުށްޓެވެ.

ރާއްޖެއިން އިއްޔެ 119 މީހަކު ކޮވިޑަށް ޕޮޒިޓިވް ވެފައިވެ އެވެ. އޭގެތެރެއިން މާލެ ސަރަހައްދު ފިޔަވައި އަތޮޅު ތެރެއިން ޕޮޒިޓިވްވި މީހުންގެ އަދަދަކީ 96 އެވެ.