ބޭރަށް ހިންގުމާއި ހޮޑުލުން އިތުރުވެފައިވާތީ ސަމާލުވުމަށް އެދިއްޖެ

މިދުވަސްވަރު ބޭރަށް ހިންގުމާއި ހޮޑުލުން އިތުރުވެފައިވާތީ އެކަމަށް ސަމާލުވުމަށް ހެލްތު ޕްރޮޓެކްޝަން އޮތޯރިޓީ (އެޗްޕީއޭ) އިން އިލްތިމާސްކޮށްފި އެވެ.

ރާއްޖޭގައި މިދުވަސްވަރު ބޭރަށް ހިންގުމާއި ހޮޑުލުން އިތުރުވެފައިވާއިރު އަރިދަފުސް ރޯގާ ޖެހިގެން ގިނަ ބަޔަކު މިދިޔަ އަހަރު ރިޕޯޓްކޮށްފައިވެ އެވެ.

އެޗްޕީއޭ އިން ބުނީ ބޭރަށް ހިންގުމުގެ އިތުރަށް އާދަޔާ ހިލާފަށް ކަރުހިއްކުމާއި، ބޮލަށް އެނބުރުން އެރުމާއި، ކުޑަކަމުންދެވޭ މިންވަރު މަދުވުމާއި، ގިނަގިނައިން ހޮޑުލެވުމާއި، އާދަޔާ ހިލާފަށް ބަނޑުގައި ރިއްސުމާއި، މާބޮޑަށް ވަރުދެރަވެ ދިޔާތަކެތި ބޭނުންކުރެވޭ ގޮތް ނުވުމާއި އަދި ލެވޭ ހޮޑުގައި ނުވަތަ ބޮޑުކަމުދެވޭ ތަކެތީގައި ލޭގެ އަސަރު ހުރެއްޖެނަމަ ލަސްނުކޮށް ޑޮކްޓަރަށް ދެއްކުމަށް އިލްތިމާސް ކުރާ ކަމަށެވެ.