ކޮވިޑްގައި މިއަދު ތިން ވަނަ މީހަކު މަރުވެއްޖެ

ކޮވިޑް ޖެހިގެން މިއަދު 3 ވަނަ މީހަކު މަރުވެއްޖެ އެވެ.

ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން މިއަދު ފުރަތަމަ އެންގީ ހުޅުމާލޭ މެޑިކަލް ފެސިލިޓީގައި އޮތް 63 އަހަރުގެ އަންހެނަކު މަރުވެފައިވާކަމަށެވެ. އެމީހާ މަރުވީ ހެނދުނު 06:16 ހާއިރު އެވެ

އޭގެ ފަހުން މިއަދު 06:04ގައި ލާމު ކޮވިޑް މެނޭޖްމެންޓް ފެސިލިޓީގަ ފަރުވާދެމުންދިޔަ 79 އަހަރުގެ ފިރިހެނަކު މަރުވެފައިވާކަމަށް އެޗްޕީއޭއިން އެންގި އެވެ. ތިން ވަނަ މީހާ މަރުވީ 9:00ގައި އައްޑޫ ކޮވިޑް މެނޭޖްމެންޓް ފެސިލިޓީގައެވެ. އެއީ 76 އަހަރުގެ ދިވެހި ފިރިހެނެކެވެ.