މަސައްކަތް ކުރަނީ ރޯދަމަހު ފިޔަވަޅުތަކަށް ލުއިދޭން: މައިމޫނާ

ކޮވިޑް19 އާ ގުޅިގެން އަޅާފައިވާ ފިޔަވަޅުތަކަށް ރޯދަ މަހު ލުއި ދޭން މަސައްކަތް ކުރަމުން އަންނަ ކަމަށް ޑިރެކްޓަރު ޖެނެރަލް އޮފް ޕަބްލިކް ހެލްތު، މައިމޫނާ އަބޫބަކުރު އިއްޔެ ވިދާޅުވެއްޖެ އެވެ

އިއްޔެ ރައްޔިތުންގެ މަޖިލީހުގެ އިގްތިސޯދީ ކޮމިޓީގައި ވާހަކަ ދައްކަވަމުން މައިމޫނާ ވިދާޅުވީ ވެކްސިން ކަވަރޭޖް ވަރުގަދަކުރެވިއްޖެ ނަމަ، ރޯދަ މަހު ފިޔަވަޅުތަކަށް ލުއިދެވޭނެ ކަމަށާއި ބަލި ފެތުރުން ކޮންޓްރޯލްކުރުމަށް ފިޔަވަޅުތައް އަޅަމުން ދަނީ މިހާރު އިއުލާނުކޮށްފައިވާ ސިއްހީ ކުއްލި ނުރައްކަލުގެ ހާލަތުގެ ދަށުން ކަމަށެވެ.

ސިއްހީ ކުއްލި ނުރައްކަލުގެ ހާލަތުއިއުލާނުކޮށްފައި އޮތުން މި ވަގުތަށް މުހިންމު ކަން ފާހަގަކޮށް މައިމޫނާ ވިދާޅުވީ ރައްކާތެރިކަމުގެ ފިޔަވަޅުތަކަށް ގެނެވެން ހުރި ބަދަލުތައް ބަލައި، އުސޫލުތައް އެކުލަވާލާނެ ކަމަށެވެ.

ގިނަ ބަޔަކު ވެކްސިން ޖެހުން މުހިންމު ކަަމަށާއި ވެކްސިން ކަވަރޭޖް ވަރުގަދަކުރެވިއްޖެ ނަމަ ލުއިތައް ދިނުމަށް އިތުރު ބާރަކަށް ވެގެންދާނެ ކަމަށެ މިހާރު ބަލީގެ ހާލަތަށް ބަލައި ކުރިއަށް އޮތް ރޯދަ މަހަށް އިތުރު ލުއިތަކެއްދޭން ގަސްތުކުރައްވާ ކަމަށް މައިމޫނާ ވިދާޅުވި އެވެ.