އޭއީސީގެ އިންޓަރ ހައުސް ނެޓްބޯޅަ މުބާރާތުގެ ފުރަތަމަ މެޗު މާކަރީއަށް

ހދ އަތޮޅު ތައުލީމީ މަރުކަޒުގެ އިންޓަރ ހައުސް ނެޓްބޯޅަ މުބާރާތް ހުކުރުދުވަހު ފަށައިފި އެވެ.

މޫސުން ގޯސްވުމުގެ ސަބަބުން ތިރީސް މިނިޓަށް ފެށުން ލަސްކުރަންޖެހުނު މެޗް 3 ޕޮއިންޓު 0 ޕޮއިންޓުން، ޕްލޫޓޯ ހައުސް އާއި ވާދަކޮށް ކާމިޔާބުކުރީ މާކަރީހައުސް އެވެ.

މާކަރީ ހައުސް އިން އެންމެ ގިނަ ޕޮއިންޓް ޓީމަށް ހޯދައިދިނީ ރިޒްވާނާ އިބްރާހީމެވެ. އޭނާ، 2 ޕޮއިންޓް ޓީމަށް ހޯދައިދިނެވެ.

ވާރޭ ވެހެމުން ދިޔުމާއި ކޯޓުގައި ފެން ހެދިފައި އޮތުމުން އެންމެ ރަނގަޅަށް ކުޅުމުގައި، ދެ ޓީމަށްވެސް އުނދަގޫތަކެއް ދިމާވި މި މެޗްގެ ކުއީން އޮފް ދަ މެޗަކަށް ހޮވުނީ ޓީމަށް 1 ޕޮއިންޓް ހޯދައިދިން މާކަރީ ހައުސް ގެ ސަންހާ އިބްރާހީމް ސިރާޖެވެ.

ކުއީން އޮފް ދަ މެޗް އަށް ޓްރޮފީ ހަވާލުކޮށްދެއްވީ، މި މެޗްގެ ޝަރަފުވެރިމެހެމާނު، އަފީފުއްދީން ސްކޫލްގެ ޕްރިންސިޕަލް، ނާސިހާ އިދުރީސް އެވެ.