އޭއީސީގެ އިންޓަރ ހައުސް ނެޓްބޯޅަ މުބާރާތުގެ ޗެމްޕިކަން މާކަރީ ހައުސް ހޯދައިފި

ހދ. އަތޮޅު ތައުލީމީ މަރުކަޒު (ހދ. އޭއީސީ) ގެ ސީނިއަރ އިންޓަރ ހައުސް ނެޓްބޯޅަ މުބާރާތުގެ ޗެމްޕިއަންކަން މާކަރީ ހައުސް ހޯދައިފިއެވެ.

މިދިޔަ މަހު 30 ން މި މަހު 5 އަށް ކުޅުދުއްފުށީ ޒޯން ސްޓޭޑިއަމްގެ ނެޓްބޯޅަ ކޯޓުގައި ކުރިއަށްދިޔަ މި މުބާރާތުގެ ފައިނަލްގައި ކުޅެފައިވަނީ މާކަރީ ހައުސް އާއި މާރސް ހައުސް އެވެ.

އިއްޔެ ކުޅުން މި މުބާރާތުގެ ފައިނަލް މެޗް ޝަރަފްވެރިކޮށްދެއްވީ ހދ. އަތޮޅު ތައުލީމީ މަރުކަޒު ޕީޓީއޭ އެކްސްކޯ މެމްބަރ ޝާއިނާ މުހަންމަދު، ހދ. އަތޮޅު ތައުލީމީ މަރުކަޒު ޕީޓީއޭ އެކްސްކޯ މެމްބަރ އައިޝަތު ރިމްސާގެ އިތުރުން ހދ. އަތޮޅު ތައުލީމީ މަރުކަޒުގެ ލީޑިންގް ޓީޗަރ އައިމިނަތު އާދަމެވެ.

ފައިނަލްގައި މާކަރީ ހައުސް އާއި މާރސް ހައުސް ބައްދަލުކޮށް މާކަރީ ހައުސް ޗެމްޕިއަންކަން ހާސިލްކޮށްފައިވަނީ 9 ޕޮޓް 2 ޕޮޓުން ކާމިޔާބުކޮށެވެ. ފައިނަލް މެޗްގެ މޮޅު ކުޅުންތެރިއަކަށް ހޮވިފައިވަނީ މާކަރީ ހައުސްގެ ގޯލް އެޓޭކް އައިޝަތު ސަންހާ އިބްރާހިމް ސިރާޖެވެ.

މުބާރާތުގެ އެންމެ އުންމީދީ ކުޅުންތެރިއަކަށް ހޮވިފައިވަނީ:

އެންމެ މޮޅު 7 ކުޅުންތެރިންނަށް ހޮވިފައިވަނީ:

މުޅި މުބާރާތުން އެންމެ މޮޅު ކުޅުންތެރިއަކަށް ހޮވިފައިވަނީ:

އެ ސްކޫލުގައި އިންޓަރ ހައުސް ނެޓް ބޯޅަ މުބާރާތް އެންމެ ފަހުން ބާއްވާފައިވަނީ 2018 އަހަރު އެވެ.

ގިނަ އަހަރު ތަކެއްގެ މެދުކެނޑުމަށްފަހު މި މުބާރާތް ބާއްވާފައިވާއިރު ހދ. އަތޮޅު ތައުލީމީ މަރުކަޒުގެ ޕްރިންސިޕަލް މުހައްމަދު މަތީނު ވަނީ މި މުބާރާތަށް އެހީތެރިވެދެއްވި ކޯޗުން، އޮފިސަލުން، އަމްޕެއަރުންގެ އިތުރުން ސްޓޭޑިއަމަށް ވަރަށް ހާއްސަ ޝުކުރެއް ދަންނަވާފަ އެވެ.