ކޮކާކޯލާ ގޯލްޑް ކަޕް އިން ކުޅުދުއްފުށީ ޓީމު ކަޓައިފި

ކޮކާކޯލާ ގޯލްޑް ކަޕްގައި ބައިވެރިވި ކުޅުދުއްފުށީ ޓީމު ކަޓައިފި އެވެ.

ކުޅުދުއްފުށީ ޓީމު ތަމްސީލް ކުރާ ޖަޕާން ޓީމް މުބާރާތުން ކެޓީ ރޭ ކޮލްމްބިއާ ޓީމާ ދެކޮޅަށް ކުޅުނު މެޗު އެއްވަރުވުމުންނެވެ. ރޭ ކުޅުނު މެޗު ނިމުނީ 0-0 އިން އެއްވަރުވެގެންނެވެ.

ވޯލްޑް ކަޕް ރާއްޖޭގައި އިޝްތިހާރު ކުރުމުގެ ގޮތުން ކުޅެވޭ މިމުބާރާތުގައި ކުޅުދުއްފުށީ ޓީމަށް ގުރޫޕުން ލިބިފައިވަނީ 3 ވަނައެވެ. އެއީ ކުޅުނު 3 މެޗުން 4 ޕޮއިންޓް ހޯދައިގެންނެވެ. މި ގުރޫޕުން އެއްވަނަ ހޯދީ 9 ޕޮއިންޓާއެކު ގްރީސް ޓީމެވެ. 5 ޕޮއިންޓާއެކު ދެވަނަ ލިބިފައިވަނީ ކޮލަމްބިއާ އަށެވެ. އަދި ގުރޫޕްގެ ފުލަށް ދިޔައީ މުބާރާތުގެ ފަހު ދެމެޗަށް ހާޒިރުނުވާ އައިވަރީ ކޯސްޓްގެ ޓީމެވެ.

24 އޭޕްރީލް އިން 18 މޭ ކުރިއަށްދާ މިމުބާރާތް އިންތިޒާމް ކުރުމުގައިި އުޅެނީ އޭވައިއެލް އިންނެވެ. މިއަހަރުގެ ވޯލްޑް ކަޕް މުބާރާތުގެ އެންމެ ކާމިޔާބު ޤައުމު ބްރެޒިލްގައި އޮންނައިރު މުބާރާތް ކުރިޔަށް ދާނީ ޖޫން 12 އިން ޖުލައި 13 އަށެވެ.