ޒިގްޒެގް އިންޓަރ އޮފީސް ފުޓްސަލް މުބާރާތުގެ 6 ވަނަ ރޭ

ޒިގްޒެގް އިންޓަރ އޮފީސް ފުޓްސަލް މުބާރާތުގެ 6 ވަނަ ރޭ ކުޅެވުނު ތިން މެޗު ކާމިޔާބުކުރީ އެމްއެންޑީއެފް، ޕޮލިސް އަދި ކޭޕީއެލް އެވެ.

އެމްއެންޑީއެފް އާއި ޓީމް އުރީދޫ ބައްދަލުކުރި މެޗު އެމްއެންޑީއެފްއިން ކާމިޔާބުކުރީ 12-0 ގެ ތަފާތަކުންނެވެ. މި މެޗުގެ މޮޅު ކުޅުންތެރިޔާގެ މަގާމު ހޯދާފައިވަނީ އެމްއެންޑީއެފްގެ އަހުމަދު އަލީ އެވެ. މި މެޗުގައި އެމްއެންޑީއެފްއިން ކާމިޔާބުކުރި 12 ލަނޑުގެ ތެރެއިން 6 ލަނޑު ކާމިޔާބުކޮށްދީފައިވަނީ އަހުމަދު އަލީ އެވެ.

ޕޮލިސް އަދި ފަޔާ ބައްދަލުކުރި މެޗު ޕޮލިސް އިން ކާމިޔާބުރީ 5-0 ން ފަޔާ ބަލިކޮށްގެންނެވެ. މުބާރާތުގައި ކުޅެވުނު 17 ވަނަ މެޗުގެ އެންމެ މޮޅު ކުޅުންތެރިޔާގެ މަގާމު ހާސިލުކޮށްފައިވަނީ ޕޮލިސްގެ އިބުރާހިމް ހަސަނެވެ. އޭނާ ވަނީ މި މެޗުގައި އެ ޓީމުން ކާމިޔާބުކުރި 5 ލަނޑުގެ ތެރެއިން 3 ލަނޑު ޖަހައިދީފަ އެވެ.

އާޕޮއިންޓް އަދި ކޭޕީއެލް ބައްދަލުކުރި މެޗު ކާމިޔާބުކުރީ ކޭޕީއެލް އެވެ. މި މެޗު ކޭޕީއެލްއިން ކާމިޔާބުކުރީ 3-2 ލަނޑުގެ ތަފާތަކުންނެވެ. ވާދަވެރި ކުޅުމެއް ފެނިގެންދިޔަ މި މެޗުގެ މޮޅު ކުޅުންތެރިޔާގެ މަގާމު ކޭޕީއެލް ޓީމުގެ ސަމީރު ޔޫސުފް ހާސިލުކުރިއިރު އޭނާ ވަނީ މި މެޗުގައި 2 ލަނޑު ޖަހައިދީފަ އެވެ.

މިރޭ މި މުބާރާތުގައި ކުޅެވޭ މެޗުތަކަށް ބަލާއިރު ފުރަތަމަ މެޗުގައި ހޮސްޕިޓަލް އަދި ކުޅުދުއްފުށީ ކައުންސިލް ބައްދަލުކުރާއިރު ދެވަނަ މެޗުގައި ކުޅޭނީ އެސްޓީއޯ އަދި އަފީފުއްދީން ސްކޫލެވެ. ފަހު މެޗުގައި ކުޅޭނީ ދިރާގު އަދި އެމްޑަބްލިއުއެސްސީ އެވެ.