ކުޅުދުއްފުށީގައި ބޭއްވި “އެންމެ އަލިގަދަ ތަރީ”ގެ އޯޑިޝަނުން ހޮވުނީ 2 ފަރާތެއް

ޓީވީ މޯލްޑިވްސްއިން އިންތިޒާމް ކޮށްގެން ރޯދަމަހު ބާއްވަމުން އަންނަ އަލިގަދަ ތަރި ގުރުއާން މުބާރާތަށް ބައިވެރިން ހޮވުމަށް ކުޅުދުއްފުށީގައި ބޭއްވި އޯޑިޝަނުން 2 ފަރާތެއް ހޮވިއްޖެ އެވެ.

އެންމެ އަލިގަދަ ތަރިއަށް ބައިވެރިން ހޮވުމަށް އިއްޔެ ކުޅުދުއްފުށީގައި ބޭއްވި އޯޑިޝަނުން ފާސްވެ، މުބާރާތަށް ހޮވިފައިވަނީ ހދ. ވައިކަރަދޫ، މިލާފަރު ޒޫނާ މުހައްމަދާއި ށ. ފުނަދޫ، ހެޕީލާލު އަހުމަދު ފިރާގެވެ.

އިއްޔެ ހަވީރު 2 އިން 4 އަކަށް ކުރިއަށްގެންދިޔަ މި އޯޑިޝަނުގައި ބައިވެރިވެފައިވަނީ އެންމެ 8 ފަރާތަކުންނެވެ.

ބޮޑެތި އިނާމުތަކެއް ހުށަހެޅިފައިވާ މިމުބާރާތަށް ހުށަހެޅިފައިވާއިރު މިމުބާރާތަށް ހޮވޭ ފަރާތަކަށް މާލޭގައި ތިބުމާއި ދަތުރުގެ ހަރަދު ޓީވީ މޯލްޑިވްސްގެ ފަރާތުން ހަމަޖައްސާފައިވެ އެވެ.

މިމުބާރާތުގެ މިދިޔަ އަހަރުގެ “އެންމެ އަލިގަދަ ތަރި” އަކަށް ހޮވިފައިވަނީ ށ.ފޭދޫ ވަވަތި، އަބްދުއްރަޝީދުއެވެ