އުއްމީދަކީ މުބާރާތުގެ ފުރަތަމަ މެޗުން 3 ޕޮއިންޓް ހޯދުން: ހަނިމާދޫ ކޯޗް

އުއްމީދަކީ މިއަދު މެޗުން 3 ޕޮއިންޓް ހޯދުން ކަމަށް ހަނިމާދޫ ޓީމްގެ ކޯޗު އަދި  ގައުމީ ޓީމުގެ ކުރީގެވަރުގަދަ ޑިފެންޑަރު މުހައްމަދު ނާސިރު ބުނެފި އެވެ.

ކޭއޯ އަށް ދިން ބަސްތީގަތުމެއް މުހައްމަދު ނާސިރު ބުނީ މިއަދު ކުޅުދުއްފުއްޓާ ދެކޮޅަށް ނިކުނަށް މެޗުން 3 ޕޮއިންޓް ހޯދުމަކީ އުންމީދެކަމަށެވެ. ނާސިރު ބުނީ ހަނިމާދޫ ޓީމް އޮތީ މެޗަށް ފުރިހަމައަށް ތައްޔާރުވެފައިކަމަށެވެ.

“މެޗަށް ޓީމް ވަނީ ފުރިހަމައަށް ތައްޔާރުވެފައި، ރަށުން ފުރާގެން މެޗަށް ތައްޔާރުވެގެން މިއައީ މުބާރާތުގެ ފުރަތަމަ މެޗުން 3 ޕޮއިންޓް ހޯދުމުގެ އުންމީދުގައި” ނާސިރު ބުންޏެވެ.

ނާސިރު ބުނީ 2014 ވަނަ އަހަރުގެ އަތޮޅު މުބާރާތުގައި ކުޅުދުއްފުށި ކޮޅަށް ހަނިމާދޫ 3 ލަނޑު ޖެހި ނަމަވެސް މިއަދުގެ އެދުވަހުގެ އެމެޗާއި އަޅާ ބަލާއިރު މިހާރު 2 ޓީމުވެސް ފެންނަނީ ވަރަށް ތަފާތު ބޮޑުކޮށް ކަމަށެވެ. އެދުވަހާ ހިލާފަށް މިއަހަރުގެ މުބާރާތަށް ކުޅުދުއްފުށީ ޓީމުން ވެސް ފެންނަނީ ވަރަށް ޒުވާން ކުޅުންތެރިތަކެއް ކަމަށާއި އެހެން ވުމުން މިމެޗަކީ ތަފާތު މެޗަކަށް ވާނެ ކަމަށް ނާސިރު ބުންޏެވެ.

“ސަޕޯޓަރުން ބުނެލަން ބޭނުންވަނީ ހަނިމާދޫ ރައްޔިތުންނަކީ ޓީމްގެ 12 ވަނަ ކުޅުންތެރިޔާއޭ 12 ވަނަ ކުޅުންތެރިޔާގެ ގޮތުގައި މިމުބާރާތުގެ ޓާގެޓަށް ވާސިލުވުމަށްޓަކާ ފުރިހަމަ ސަޕޯޓް ދޭށޭ” ނާސިރު ބުންޏެވެ.