ކުއަންޓަމް ވެޓަރަންސް ކަޕްގައި ބައިވެރިވުމުގެ ފުރުސަތު ހުޅުވާލައިފި

ކުއަންޓަމް އިން އިންތިޒާމް ކޮށްގެން 35 އަހަރުން މަތީގެ ކުޅުންތެރިންނަށް އަމާޒުކޮށްގެން ބޭއްވާ ކުއަންޓަމް ވެޓަރަންސް ކަޕް 2016 ގެ ބައިވެރިވުމުގެ ފުުރުސަތު ހުޅުވާލައިފި އެވެ.

މިއީ އުމުރުން 35 އަހަރުން މަތީގެ ކުޅުންތެރިންނަށް އަމާޒުކޮށްގެން ބާއްވަމުން އަންނަ މި މުބާރާތް ބާއްވާ ތިން ވަނަ ފަހަރެވެ. މި އަހަރުގެ މުބާރާތުގައި ބައިވެރިވެވޭނީ 1 އޮކުޓޫބަރު 2016 އަށް މީލާދީ ގޮތުން 35 އަހަރު ފުރިފައިވާ ކުޅުންތެރިންނަށެވެ.

15 ސެޕްޓެމްބަރު 2016 ގެ 22:00 އާ ހަމައަށް ބައިވެރިވުމުގެ ފުރުސަތު ހުޅުވާލާފައިވާ މި މުބާރާތުގެ ނަން ނޯޓް ކުރަން ބޭނުންފުޅު ފަރާތްތަކުން ކުއަންޓަމް ފިހާރައަށް ގުޅުއްވާ ނުވަތަ ދުރުވެ ނަންނޯޓް ކުރުމުގެ އިންތިޒާމް ހަމަޖެހިފައިވާ ކަމަށް ކުއަންޓަމް އިން މައުލޫމާތުދެ އެވެ. ކުއަންޓަމް ފިހާރައަށް ގުޅޭނެ ނަންބަރަކީ 6528687 އެވެ.

ވޭތުވެދިޔަ އަހަރު މި މުބާރާތުގައި ޖުމްލަ 80 ކުޅުންތެރިން ބައިވެރިވިއިރު، 10 ޓީމަކަށް ކުޅުންތެރިން ވަނީ ބަހާފަ އެވެ. މި މުބާރާތުގެ 2015 ވަނަ އަހަރުގެ ޗެމްޕިއަން އަކީ ޓީމް ސެލްފީ އެވެ.

2014 ވަނަ އަހަރުގެ މުބާރާތުގައި ވާދަ ކުރީ 8 ޓީމެވެ. އެ އަހަރުގެ ޗެމްޕިއަނަކީ ހެވިޓް އެވެ.