މާޅޮހާއި ކުޑަހުވަދޫ ބައްދަލުކުރާ މެޗު މިއަދު ހަވީރު

މިނިވަން ޗެމްޕިއަންޝިޕް ފުޓްބޯޅަ މުބާރާތުގެ ސެމީ ފައިނަލް މެޗުތައް މިއަދު ހަވީރު ކުޅޭނެ އެވެ.

މިއަދު ހަވީރު ކުޅުދުއްފުށީގައި ކުޅޭ ސެމީ ފައިނަލުގެ މެޗުގައި މާޅޮހާއި ދެކޮޅަށް ނިއްކުންނާނީ ގްރޫޕް ބީގެ އެއްވަނަ ޓީމު ކަމަށްވާ ކުޑަހުވަދޫ އެވެ. ކުޑަހުވަދޫގެ ޓީމް ކުޅުދުއްފުއްޓަށް އައިސް އިއްޔެ ހަވީރު ވަނީ ޕްރެކްޓިކްސް ބާއްވާފަ އެވެ.

ސެމީ ފައިނަލުގެ ދެވަނަ މެޗުގައި ބައްދަލުކުރާނީ ގްރޫޕް ބީގެ ދެވަނަ ތިނަދޫ އާއި ގްރޫޕް އޭގެ އެއްވަނަ މިލަންދޫއެވެ. މި މެޗު ކުޅުމަށް ހަމަޖެހިފައިވަނީ މިއަދު ހަވީރު ތިނަދޫގަ އެވެ.