ޖޫނިއަރ އެތުލެޓިކްސްގައި ވާދަކުރާ ކުޅުދުއްފުށީގެ އެތުލީޓުން އައްޑޫއަށް ދިއުމަށް ފުރައިފި

އައްޑޫ ސިޓީގައި މިމަހު ފަށައި ޖޫނިއަރ އެތުލެޓިކްސް ޗެމްޕިއަންޝިޕްގައި ވާދަކުރާ ކުޅުދުއްފުށީގެ އެތްލީޓުން، އައްޑޫއަށް ދިއުމަށް ފުރައިފި އެވެ.

މިމުބާރާތުގައި ކުޅުދުއްފުށިން ބައިވެރިވެފައިވަނީ ޖަލާލުއްދީން ސްކޫލާއި ހދ އަތޮޅު ތައުލީމީ މަރުކަޒެވެ.

މިމުބާރާތަށް ކުޅުދުއްފުށިން ޖުމްލަ 12 އެތްލީޓުން ފުރާފައިވާއިރު މުޅިން ބައިވެރިވެފައިވަނީ ދުވުން ތަކުގަ އެވެ.

މިމުބާރާތް އޮންނަނީ މިމަހު 26-29 އަށް އައްޑޫ ސިޓީ، ހިތަދޫ ސްޓޭޑިއަމްގަ އެވެ.

ޤައުމީ ފެންވަރުގައި ބާއްވާ ގިނަ އެތްލެޓިކްސް މުބާރާތުގައި ކުޅުދުއްފުށީ ސްކޫލްތަކުގެ އެތްލީޓުން އަންނަނީ ބޮޑެތި ކާމިޔާބީތަކެއް ހޯދަމުންނެވެ.

ޤައުމީ އެތްލެޓިކްސް ޓީމުގައި ކުޅުދުއްފުށީގެ އެތްލީޓުން ހިމެނެ އެވެ. ޤައުމީ އެތްލެޓިކްސް ޓީމުގައި ހިމެނޭ ކުޅުދުއްފުށީގެ އެތްލީޓުންނަކީ ހދ އަތޮޅު ތައުލީމީ މަރުކަޒުގެ އެތުލެޓިކްސް ޓީމުން ނިކުމެފައިވާ އެތްލީޓުންކަން ފާހަގަކުރެވެ އެވެ.