ހދ އަތޮޅުގައި ސަރުކާރުން ގާއިމުކޮށްފައިވާ ހައުންސިންގ ޔުނިޓްތަކުގެ މަސައްކަތް ބައްލަވާލެއްވުމަށް ހައުސިންގ މިނިސްޓަރު އާމިނަތު އާތިފާ ހދ އަށް ވަޑައިގެންފި އެވެ.
މިއަދު ފެއްޓެވި މި ދަތުރުފުޅުގައި ހދ އަތޮޅުގެ ތިން ރަށަކަށް އެކަމަނާ ވަޑައިގަތުމަށް ވަނީ ހަމަޖެހިފަ އެވެ. އެއީ ހަނިމާދޫ، ނޮޅިވަރަންފަރު އަދި ކުޅުދުއްފުއްޓަށެވެ. މިއަދު ހެނދުނު ހަނިމާދޫއަށް ވަޑައިގެން އެރަށުގައި ހުރި ހައުސިންގ ޔުނިޓްގެ ހާލަތު ބައްލަވާލައްވާފައިވާއިރު މިހާރު މިނިސްޓަރު ހުންނެވީ ނޮޅިވަރަންފަރުގަ އެވެ.
ނޮޅިވަރަންފަރުގެ ހައުސިންގ ޔުނިޓްތައް ބައްލަވާލެއްވުމަށްފަހު މިއަދު މެންދަރު ފަހު 2:15 ހާއިރު އެކަމަނާ ކުޅުދުއްފުއްޓަށް ވަޑައިގަތުމަށް ވަނީ ހަމަޖެހިފަ އެވެ.
މިދަތުރުފުޅުގައި، މިނިސްޓްރީގެ މަސައްކަތްތަކާއި ގުޅިގެން ރަށްރަށުގައި ހުރި ކަންބޮޑުވުންތަކާއި ގުޅޭގޮތުން މަޝްވަރާކުރައްވައި ހައުސިންގ ޔުނިޓްތައް އިމާރާތްކޮށްފައިވާ ސައިޓްތަކަށް ޒިޔާރަތް ކުރައްވާނެ އެވެ.
ކުޅުދުއްފުށީގައި ބާއްވާ އެކްސްޕޯގައި 26 ފަރާތްތަކުން ބައިވެރިވެއްޖެ
ކުޅުދުއްފުށީ އެއާޕޯޓުގައި ބެގޭޖް ބެލްޓް އިންސްޓޯލްކޮށް ބޭނުންކުރަން ފަށައިފި
ކާށިދޫ ބަލިކޮށް ގޯލްޑަން ޗެރިޓީ ޝީލްޑް އޭދަފުށިން ހިއްލާލައިފި
ހަނިގޯޅިތައް ހުރި ސަރަހައްދުތައް ތަރުތީބުކުރުމަށް ހަތަރު ގެއަކަށް ބިން ދީފި
