ހަލުވިކަމާއެކު ކޯވިޑް 19 ފެތުރެމުންދާތީ ދުނިޔޭގެ ފަތުރުވެރިކަމުގެ އެންމެ ބޮޑު ފެއާ ޖަރުމަން ވިލާތުގެ އައިޓީބީ ބަރލިން 2020 ކެންސަލް ކޮށްފިއެވެ.
އައިޓީބީ ފެއަރއަކީ ކޮންމެ އަހަރަކުވެސް ރާއްޖެއިން ބައިވެރިވާ ފެއަރއެކެވެ. މިއަހަރުގެ އައިޓީބީ ފެއަރގައިވެސް ރާއްޖޭގެ ނުވަދިހަ ނުވަ ކުންފުންޏަކުން ބައިވެރިވާގޮތަށް ހަމަޖެހިފައި ވާކަމާއި ރާއްޖެއިން މި ފެއަރގައި ބައިވެރިވާ ފަރާތްތަކުން މަރޗު އެކެއްގައި ބަރލިންގއަށް ފުރުމަށްވެސް އޮތީ ކުރިން ހަމަޖެހިފައެވެ.
މިއަހަރުގެ ފެއަރ ބާއްވަން ނިންމާފައި އޮތީ އަންނަ މަހު ހަތަރަކުން އަށަކަށް ޖަރުމަނުވިލާތުގެ ބަރލިން ގައެވެ. މި ފެއަރގައި ދުނިޔޭގެ އެކި ގައުމުތަކުން ފަތުރުވެރިކަމުގެ ސިނާއަތުގައި ހަރަކާތްތެރިވާ ދިހަ ހާހަށްވުރެ ގިނަ ފަރާތްތަކުން ބައިވެރިވާނެކަމަށް އައިޓީބީ އިންތިޒާމް ކުރާ ފަރާތުން ބުނެފައިވެއެވެ.
މިއަހަރުގެ ފެއަރ ކެންސަލްކޮށް އައިޓީބީ ބާލިންއިން ކުރި ޓްވީޓުގައި ބުނެފައިވަނީ ހަލުވި ކަމާއިއެކު ކޯވިޑް 19 ދުނިޔޭގައި ފެތުރެމުންދާތީ އެގައުމުގެ ހެލްތު މިނިސްޓްރީންނާއި އިކޮމިކް މިނިސްޓްރީގެ ލަފާއާއި އެއްގޮތަށް މިއަހަރުގެ އައި.ޓީ.ބީ ބަރލިން ފެއަރ ކެންސަލް ކުރަން ނިންމާފައިވާ ކަމަށެވެ.
ކޯވިޑް-19 ފެތުރެމުންދާތީ ޓެކްނޮލޮޖީގެ ދާއިރާގައި ފާހަގަކޮށްލެވޭ އެންމެ ބޮޑު ހަރަކާތްކަމުގައިވާ "މޯބައިލް ވޯލްޑް ކޮންގްރެސް"ވެސް ވަނީ ކެންސަލްކޮށްފައެވެ.
ފިއްލަދޫ ލޯކަލް އޮތޯރިޓީ ކުންފުނީގެ ޑިރެކްޓަރުންގެ ބޯޑަށް ކުރިމަތިލުމުގެ ހުޅުވާލައިފި
ތަޖުރިބާކާރު ކަރުންމަތީގެ ޑޮކްޓަރު މައުރޫފް ކުޅުދުއްފުށީ ހާޖީ މެޑިކަލް ކުލިނިކަށް
ހޮސްޕިޓާ ޓާޝަރީ ފެންވަރަށް ގެންނަން 18 މަސް ދުވަހުގެ ޓައިމްލައިނެއް ވަނީ ހަދާފައި
ށ އަތޮޅުގައި ސަޤާފީ ކުޅިވަރު ދަސްކޮށްދިނުމުގެ ޕްރޮގުރާމެއް ހިންގާނެ ބަޔަކު ހޯދަނީ
