ކޮވިޑް ޖެހިގެން 71 އަހަރުގެ ދިވެހި އަންހެނަކު މަރުވެއްޖެއެވެ. އެޗްޕީއޭ އިން ބުނިގޮތުގައި މަރުވެފައި ވަނީ ނޭވާލުމަށް އުނދަގޫވެގެން އައިޖީއެމްއެޗަށް ޑޮކްޓަރަށް ދައްކަން ދިޔަ އަންހެނެކެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ އޭނާ މަރުވީ މިއަދު މެންދުރު 1:38 ހާއިރު ކަމަށެވެ. މިއާއެކު ރާއްޖެއިން ކޮވިޑް19 ގައި މަރުވި މީހުންގެ އަދަދު ވަނީ 16 އަށް އަރައިފައެވެ.
Today at 1:38pm, a 71yr old Maldivian female has passed away at IGMH.
— Health Protection Agency (@HPA_MV) July 30, 2020
She came to ER with breathing difficulty in the morning.
This is the 16th #COVID19 death in the Maldives.
Our thoughts & prayers are with the bereaved family. May Allah grant her soul eternal peace in heaven
އެޗްއީއޯސީން މިފަހުން ބުނެފައި ވަނީ ދިވެހިންގެ ތެރޭގައި ކޭސްތައް ގިނަވާ ވަރަކަށް، އުމުރުން ދުވަސްވީ މީހުންނާއި އެހެން ބަލިތަކަށް ފަރުވާ ކުރަމުން އަންނަ މީހުން ބައްޔަށް ޕޮޒިޓިވްވާ މިންވަރު އިތުރުވެފައިވާކަން ފާހަގަކުރެވޭ ކަމަށެވެ.
ފުރަބަންދަށް ދިން ލުއިތަކާއެކު، ކޭސްތައް ވަރަށް ބޮޑަށް އިތުރުވެ، އިއްޔެއާ ހަމައަށް ޖުމްލަ 3,567 މީހަކު ވަނީ ވައިރަހަށް ޕޮޒިޓިވްވެފައެވެ.
އެހެންކަމުން ހޮސްޕިޓަލުގައި އެޑްމިޓްކޮށްގެން ފަރުވާ ދޭ މީހުންގެ އަދަދު ވެސް އަންނަނީ އިތުރުވަމުނެވެ. މިވަގުތު 59 މީހަކަށް އަންނަނީ ހޮސްޕިޓަލުގައި އެޑްމިޓްކޮށްގެން ފަރުވާ ދެމުންނެވެ.
