އަފީފުއްދީން ސްކޫލްގެ ރޯދަ ބާޒާރު ފަށައިފި

އަފީފުއްދީން ސްކޫލުގެ ޕީޓީއޭއިން އިންތިޒާމުކޮށްގެން ބާއްވާ ރޯދަ ބާޒާރު މިއަދު ހުޅުވައިފި އެވެ.

3 ދުޗަހުގެ މުއްދަތަށް ކުރިއަށް ގެންދާ މި ރޯދަ ބާޒާރު ހުޅުވައިދެއްވީ ކުޅުދުއްފުށީ ސިޓީ މޭޔާރު މުހައްމަދު އާތިފްއެވެ. މި ބާޒާރުގައި ކުޅުދުއްފުށީގެ 11 ވިޔަފާރީއަކުން ވަނީ ބައިވެރިވެފައެވެ.

އޭގެ ތެރޭގައި ހިމެނެނީ ހޭވަތް، ފައިން ރޯސް، ކުއާންޓަމް، ބައުންޓީ، ގޯލްޑްވޭ، ޗާންދަލިޔާ ބުކްސޮޕް، ޕިންކް ރިބަން، ރިއަލް އޭޖް، ރިޓޯ ސޮލިއުޝަން، ކޮކާ ފިޔަ އަދި އަފީރޯއެވެ.

އެހެން އަހަރުތަކާއި ހިލާފަށް މިއަހަރު ބާޒާރު ހިނގަމުންދާ ވަގުތު އެއްވެސް ފަރާތަކުން އެއްޗެށް ވިއްކާލަށް ބޭނުންވެއްޖެ ނަމަ ގަޑި އިރަކަށް 30 ރުފިޔާގެ ރޭޓުން ބެއްޗެއް ކުއްޔަށް ދޫކުރެވޭނެ ކަމަށް ވެސް ސްކޫލުން ހާމަކުރި އެވެ.

ސްކޫލުން ބުނީ ބާޒާރު ހުޅުވިފައި ހުންނާނީ ބުރާސްފަތި އަދި ހުކުރު ދުވަހު ހަވީރު 04:30 ން 06:00 އަށް އަދި ރޭގަނޑު 08:30 ން 10:30 އަށް ކަމަށާއި ހޮނިހިރު ދުވަހު ހެނދުނު 08:00 ން ހަވީރު 06:00 އަށް އަދި ރޭގަނޑު 08:30 ން 10:30 އަށް ކަމަށެވެ.