72 ރައިޑަރުންނާއެކު ރާއްޖޭގައި ބޭއްވޭ އެންމެ ބޮޑު ޑްރެގް އިވެންޓް ކުޅުދުއްފުށީގައި

72 ރައިޑަރުންނާއެކު ކުޅުދުއްފުށީ މޮޓޯ ސްޕޯޓްސް (ކޭއެމްއެސް) އަދި ކުޅުދުއްފުށީ ސިޓީ ކައުންސިލް ގުޅިގެން ރާއްޖޭގައި ބޭއްވޭ އެންމެ ބޮޑު ޑްރެގް އިވެންޓް ކުޅުދުއްފުށީގައި ބޭއްވުމަށް ތައްޔާރު ވެއްޖެ އެވެ.

މިފަހަރު ކޭއެމްއެސްއިން ބާއްވާ ޑްރެގް އިވެންޓް އެތައް ގޮތަކުން ހާއްސަވެގެންދެ އެވެ. އެންމެ ގިނަ ރައިޑަރުން ވާދަކުރާ ރާއްޖޭގެ އެންމެ ބޮޑު އިވެންޓްގެ އިތުރުން މިފަހަރުގެ އިވެންޓްގައި ރާއްޖޭގައި މުޅިން އަލަށް ހެވީވެއިޓް ކެޓަގަރީގެ ރޭސްތަކެއް ވެސް ކުރިއަށް ގެންދިޔުމަށް ވަނީ ހަމަޖެހިފަ އެވެ.

ޖުމްލަ 72 ރައިޑަރުން ބައިވެރިވާ މިއިވެންޓްގައި ޖުމްލަ 10 ކެޓަގަރީއެއްގެ ރޭސްތައް ކުރިއަށްދާނެ އެވެ.

ކެޓަގަރީތަކާއި ރައިޑަރުންގެ އަދަދު:

މިފަހަރުގެ ރޭހުގައި ވާދަކުރާ ޓީމުތައް:

މިއީ ރާއްޖޭގައި ބޭއްވޭ އެންމެ ބޮޑު ޑްރެގް އިވެންޓަށް ވެގެންދާއިރު މިއިވެންޓް ކުރިއަށް ދާނީ 30 އަދި 31 ޑިސެމްބަރު އެވެ. 30 ޑިސެމްބަރު ވަނަ ދުވަހުގެ 13:30 ގައި ރޭސް ފެށުމަށް ހަމަޖެހިފައިވާއިރު މިރޭހާއެކު ކުޅުދުއްފުށީގެ މޮޓޯ ސްޕޯޓްސްއަށް ގިނަ ކުރިއެރުންތަކެއް ލިބިގެންދާނެ އެވެ.

ކޭއެމްއެސްއިން ވަނީ މޮޓޯ ސްޕޯޓްސްއަށް ދޭ ސަޕޯޓަށް ކުޅުދުއްފުށީ ސިޓީ ކައުންސިލަށާއި ކުޅުދުއްފުށީ ޕޮލިސް ސްޓޭޝަނަށް ހާއްސަ ޝުކުރެއް އަދާކޮށްފަ އެވެ. މިއިވެންޓް ވެސް ކުރިއަށް ގެންދިޔުމަށް ހަމަޖެހިފައިވާ ސިޓީ ކައުންސިލާއި ކޭއެމްއެސް ގުޅިގެންނެވެ.