ނެއްލައިދޫ ކައުންސިލް ކަޕްގެ ތަށި ހަތަރުވަނަ ފަހަރަށް ކުލަބު ފްރެންޑްސް އިން އުފުލާލައިފި

ހދ ނެއްލައިދޫގައި ބާއްވާ 'ނެއްލައިދޫ ކައުންސިލް' ކަޕްގެ ތަށި ހަތަރުވަނަ ފަހަރަށް ކުލަބް ފްރެންޑްސް އިން ކާމިޔާބުކޮށްފި އެވެ.

ނެއްލައިދޫ ކައުންސިލުން އިންތިޒާމުކުރާ މި މުބާރާތުގެ ފައިނަލް މެޗު ކުޅުނީ މިމަހުގެ 20 ވަނަ ދުވަހު އެވެ. އެ މެޗުގައި ބައްދަލުކުރީ ކުލަބް ފްރެންޑްސް އާއި ކިންގް ސްޕިރިޓް އެވެ.

ޗެމްޕިއަން ޓީމަށް 25000 ރުފިޔާގެ އިނާމު ލިބޭ މި މުބާރާތުގައި ފަސް ޓީމަކުން ވާދަކުރި އެވެ. އެއީ ކުލަބް ފްރެންޑްސް، ކިންގް ސްފިރިޓް، ކުލަބް ރެފިއުޖީ، ނިކަސިޓީ ސްޕޯޓްސް ކުލަބް އަދި ކުޗީ އެފްސީ އެވެ.

މިއީ މި މުބާރާތް ބާއްވާތާ 13 ވަނަ އަހަރެވެ. މުބާރާތުގެ ރަނަރަފް ޓީމަށް 7000 ރުފިޔާގެ ފައިސާގެ އިނާމެއް ލިބުނެވެ.