ކުޅުދުއްފުށީ ހެދޭކުރި ބަށި ޓީމާއި ނޮޅިވަރަމް ބަށި ޓީމާއި ދެމެދު އެކުވެރިކަމުގެ ބަށި މެޗެއް މިއަދު ކުޅެފި

.

ކުޅުދުއްފުށީ ހެދޭކުރި ބަށި ޓީމާއި ނޮޅިވަރަމް ބަށި ޓީމާއި ދެމެދު އެކުވެރިކަމުގެ ބަށި މެޗެއް މިއަދު ކުޅެފިއެވެ.

މި މެޗް 20 ލަނޑު 18 ލަނޑުން ކާމިޔާބުކޮށްފައިވަނީ ކުޅުދުއްފުށީ ހެދޭކުރި ބަށި ޓީމެވެ. މެޗްގެ އެންމެ މޮޅު ކުޅުންތެރިއަކަށް ހޮވިފައިވަނީ ނޮޅިވަރަމް ޓީމްގެ ޖޯޒީ ނަމްބަރ 10 އައިޝަތު އާދަމް އެވެ. އޭނާވަނީ މި މެޗްގައި 52 ފޯލި ޖަހާ، އެންމެ ގިނަ ޖެހުން ޖެހި ކުޅުންތެރިއަކަށް ވެސް ހޮވިފައިއެވެ.

މީގެ އިތުރުން އެންމެ ގިނަ ހިފުން ހިފި ކުޅުންތެރިއަކަށް ހޮވިފައިވަނީވެސް ނޮޅިވަރަމް ޓީމްގެ  ޖޯޒީ ނަމްބަރ 6  އައިޝަތު އާދަމްއެވެ.  އޭނާ ވަނީ 14 ފޯލި ހިފާފައެވެ.

މިއަދު ހަވީރު ޒޯން ސްޓޭޑިއަމްގެ ބަށިކުޅޭ ސަރަހައްދުގައި ކުޅުނު މިމެޗް ޝަރަފުވެރިކޮށްދެއްވީ، ޗީފް އިންސްޕެކްޓަރ އޮފް ޕޮލިސް، ފަތުހުﷲ ވަހީދެވެ.

ވާދަވެރި ފޯރިގަދަ މިމެޗް ބަލާލުމަށް ކުޅުދުއްފުށީގައި ކުރިން ބަށި ކުޅުނު ފަރާތްތަކުގެ އިތުރުން ގިނަ އަދަދެއްގެ ރައްޔިތުން ވަނީ މި ސަރަހައްދަށް ޒިޔާރަތް ކޮށްފައެވެ.