ޒިގްޒެގް އިންޓަރ އޮފީސް ފުޓްސަލް މުބާރާތުގެ ގުރުއަތުލުން ރޭ ބާއްވައިފި

ޒިގްޒެގް ފޯރ ޔޫތް ލިންކޭޖްގެ ފަރާތުން ބޭއްވުމަށް ހަމަޖެހިފައިވާ ތިންވަނަ ޒިގްޒެގް އިންޓަރ އޮފީސް ފުޓްސަލް މުބާރާތުގެ ގުރުއަތުލުން ރޭ ބާއްވައިފި އެވެ.

ރޭ ހދ އަތޮޅު ތައުލީމީ މަރުކަޒުގައި އޮތް މިގުރުއަތުލުމުގައި ގުރުއަތު ނަންގަވައި ދެއްވީ ހދ. އަތޮޅު ތައުލީމީ މަރުކަޒުގެ ޕްރިންސިޕަލް ޒިޔާދު ރަޝާދާއި ދިރާގުގެ މެނޭޖަރ މުހައްމަދު ފާހިރެވެ.

މިމަހުގެ 10 ގައި ފަށާ މި މުބާރާތުގައި މިއަހަރު ބައިވެރިވެފައި ވަނީ 11 ޓީމަކުންނެވެ. 2 ގްރޫޕަކަށް ބަހާލައިގެން ކުރިއަށް ގެންދިޔުމަށް ހަމަޖެހިފައިވާ މިމުބާރާތުގެ ގްރޫޕް 1 ގައި ހިމެނެނީ ކުޅުދުއްފުށީ ރީޖަނަލް ހޮސްޕިޓަލް، އަފީފުއްދީން ސްކޫލް، ހދ.އަތޮޅު ތަޢުލީމީ މަރުކަޒް، ދިރާގް،  އެސް.ޓީ.އޯ އަދި ހދ.އަތޮޅު ކައުންސިލެވެ.

ގްރޫޕް 2 ގައި ހިމެނެނީ ކުޅުދުއްްފުށީ ޕޮލިސް ސްޓޭޝަން،  ކަސްޓަމްސް، އެމް.އެން.ޑީ.އެފް، ކުޅުދުއްފުށީ ޕޯޓް ޕްރައިވެޓް ލިމިޓެޑް އަދި ކުޅުދުއްފުށީ ކައުންސިލެވެ.

މިމަހުގެ 27 ގެ ނިޔަލަށް ކުރިއަށްދާ މިމުބާރާތުގެ ފުރަތަމަ މެޗްގައި ބައްދަލުކުރާނީ ދިރާގާއި ހޮސްޕިޓަލުގެ ޓީމެވެ.

ކުޅުދުއްފުށީގައި ހުރި ސަރުކާރު އޮފީސް ތަކަށާއި ސަރުކާރު ހިއްސާވާ ކުންފުނިތަކަށް ހުޅުވާލައިގެން ބާއްވަމުން އަންނަ މި މުބާރާތުގެ އެންމެ ފަހުގެ ޗެމްޕިއަނަކީ ކުޅުދުއްފުށީ ރީޖަނަލް ހޮސްޕިޓަލެވެ.