ކުޅުދުއްފުށީ ޓީމަކާއި ނޮޅިވަރަމްގެ ޓީމަކާ ދެމެދު އެކުވެރިކަމުގެ ވޮލީ މެޗެއް ކުޅެފި

ކުޅުދުއްފުށީ ޓީމަކާއި ނޮޅިވަރަމްގެ ޓީމަކާއި ދެމެދު އެކުވެރިކަމުގެ ވޮލީ މެޗެއް ކުޅެފިއެވެ.

ހޯމަ ދުވަހުގެ ހަވީރު ކުޅުދުއްފުށީ ޒިގްޒެގް ދަނޑުގައި ކުޅުނު މި މެޗު ކާމިޔާބުކުރީ ނޮޅިވަރަމް ވޮލީ ޓީމެވެ. ނޮޅިވަރަމްގެ ޓީމް މި މެޗް ކާމިޔާބް ކޮށްފައިވަނީ 3 ސެޓް 2 ސެޓުންނެވެ.

އިއްޔެގެ މެޗުގެ ފުރަތަމަ ސެޓް ނޮޅިވަރަމްގެ ޓީމުން ކާމިޔާބުކުރީ 25 ޕޮއިންޓް 23 ޕޮއިންޓުންނެވެ. މެޗުގެ 2 ވަނަ ސެޓް ތަފާތު ބޮޑުކޮށް 25 ޕޮއިންޓް 13 ޕޮއިންޓުން ކާމިޔާބު ކޮށްފައިވަނީ ކުޅުދުއްފުށީގެ ޓީމެވެ.

މެޗްގެ 3 ވަނަ ސެޓް އަނެއްކާވެސް ނޮޅިވަރަމްގެ ޓީމުން ކާމިޔާބުކުރީ 22 ޕޮއިންޓް 25 ޕޮއިންޓުން ނެވެ. ޖެހިގެން އައި 4 ވަނަ ސެޓު 25 ޕޮއިންޓް 20 ޕޮއިންޓުން ކުޅުދުއްފުށީ ޓީމު ކާމިޔާބުކުރި ނަމަވެސް ނަތީޖާ ކަނޑައަޅާ ސެޓް 15 ޕޮއިންޓް 9 ޕޮއިންޓުން ކާމިޔާބު ކޮށްފައިވަނީ ނޮޅިވަރަމް ޓީމެވެ.