އަންހެނުންގެ ދުވަސް ފާހަގަ ކުރުމުގެ ގޮތުން ދިރާގުގެ ޓީމަކާއި ޕްރީ ސްކޫލު ޓީޗަރުންގެ ޓީމެއް ފުޓްސަލް މެޗެއް ކުޅެފި

ބައިނަލްއަގްވާމީ އަންހެނުންގެ ދުވަސް ފާހަގަ ކުރުމުގެ ގޮތުން ކުޅުދުއްފުށީގައި މިއަދު ހެނދުނު އަންހެނުންގެ ފުޓްސަލް މެޗެއް ކުޅެފި އެވެ.

ކުޅުދުއްފުށީ ދިރާގު އޮޕަރޭޝަން ސެންޓަރުން އިންތިޒާމު ކޮށްގެން ކުޅުދުއްފުށީ ކޮރަލްސް ދަނޑުގައި ކުޅުނު މިމެޗުގައި ބައްދަލު ކުރީ ކުޅުދުއްފުށީ ދިރާގުގެ އަންހެން މުވައްޒަފުންގެ ޓީމަކާއި ކުޅުދުއްފުށީ އިރުމަތީ އަވަށު ޕްރީ ސްކޫލުގެ ޓީޗަރުންގެ ޓީމެކެވެ. މިމެޗު 3 ލަނޑު 2 ލަނޑުން ކާމިޔާބު ކުރީ އިރުމަތީ އަވަށު ޕްރީސްކޫލު ޓީޗަރުންގެ ޓީމެވެ.

މިމެޗް ޝަރަފްވެރި ކޮށްދެއްވީ ދިރާގަށް ގިނަ ދުވަސްތަކެއް ވަންދެން ޚިދުމަތް ކޮށްދެއްވާފައިވާ މުޙައްމަދު ޢުމަރު (މުޙައްމަދުފުޅު) އެވެ.