އަފީފުއްދީން ސްކޫލުގެ ޕްރިފެކެޓުންގެ ފުޓުބޯޅަ މުބާރާތް ނިމިއްޖެ

އަފީފުއްދީން ސްކޫލު ޕްރިފެކެޓުންގެ ފުޓްބޯޅަ މުބާރާތް ނިމިއްޖެ އެވެ.

އެސްކޫލުގެ ޕްރިފެކެޓް ފިރިހެން ކުދިންގެ މެދުގައި ކުޅުނު މިމުބާރާތް ކުޅެފައިވަނީ ހަފްތާގެ ބަންދު ދުވަސް ތަކުގައެވެ. މިދިޔަ ހަފްތާގެ ހުކުރު ދުވަހު ފެށުނު މި މުބާރާތުގައި ޖުމްލަ 4 ޓީމެއް ވާދަކޮށްފައެވެ. އެއީ ދުވެލި، ދޮންއަނބު، ޒިންދާބާދު އަދި މަދޮށި އެވެ.

އަފީފުއްދީން ސްކޫލު ކުޅޭ ބިމުގައި ކުރިއަށް ދިޔަ މި މުބާރާތުގައި ފައިނަލް ގައި  ދޮންއަނބާއި ދުވެލި ބައްދަލު ކޮށް 1-0 ގެ ނަތީޖާ އަކުން މޮޅުވެ ޗެމްޕިއަންކަން ހޯދީ ދުވެލި ޓީމެވެ. މުބާރާތުގެ ވަނަވަނަ އަށް ދިޔަ ކުޅުންތެރިންނަށް  އިނާމު ހަވާލު ކޮށްދެއްވީ އެސްކޫލުގެ ޕްރިންސިޕަލް އާދަމް މޫސާ އާއި ޕީޓީއޭގެ ނައިބު ރައީސް އަލީ އާދަމެވެ.

އަފީފުއްދީން ސްކޫލުން މަޢުލޫމާތު ދޭ ގޮތުގައި ވަރަށް އަވަހަށް ޕްރިފެކްޓް އަންހެން ކުދިންގެ ނެޓްބޯޅަ މުބާރާތެއް ފެށުމަށް ވަނީ ހަމަޖެހިފައެވެ.