ކުޅުދުއްފުށީ ސްކޫލުތަކުގެ މުވައްޒަފުންގެ މެދުގައި އެކުވެރިކަން ބަދަހިކުރުމުގެ ގޮތުން ބާއްވަމުންގެންދާ “ސްކޫލް ސްޓާފްސް ފުޓުސަލް ލީގް” މިމަހު 29 ގައި ފެށޭނެ ކަމަށް އެ މުބާރާތް އިންތިޒާމުކުރާ ފަރާތުން ބުނެފި އެވެ.
މި ލީގާ ގުޅޭގޮތުން މިނޫހަށް މައުލޫމާތު ދެއްވަމުން ހދ އަތޮޅު ތައުލީމީ މަރުކަޒުގެ ޓީޗަރ އެޑިއުކޭޓަރ އަބްދުއްރަޝީދު ސައީދު ވިދާޅުވީ މި ލީގުގައި ޓީމުތައް ނަގާފައިވާނީ ސްކޫލުތަކުގެ މުވައްޒަފުން މިކްސް ކޮށް ފެންވަރުގެ ގޮތުން އަޅާ ކިޔުމަށްފަހު ކަމަށެވެ.
ޖުމްލަ 4 ޓީމު ބައިވެރިވާ މި ލީގުގައި ވާދަ ކުރާނީ “ޔަޤީން” ޓީމާއި، “ކޯލިޝަން” ޓީމާއި، “އެއްލަކިން” ޓީމުގެ އިތުރުން “ގައިމު” ޓީމެވެ.
ޖަލާލުއްދީން ސްކޫލުގައި ކުރިއަށްދާ މި ލީގު އޮންނާނީ ކޮންމެ ރެއެއްގެ 8:30 އިން 10:30 އަށެވެ. ކޮންމެ ރެއަކުވެސް 2 މެޗް ކުޅެވޭނެއެވެ.
މީގެ 5 އަހަރު ކުރިން ފެށިގެން ބާއްވަމުން އަންނަ މި މުބާރާތުގައި ކުޅުދުއްފުށީގެ ސްކޫލުތަކުގެ 32 މުވައްޒަފުން ބައިވެރިވެ އެވެ. މި ފުޓުސަލް ލީގު ޖޫން 3 ގެ ނިޔަލަށްއ ކުރިއަށްދާނެ އެވެ.
ބިންކޮޅު ދޫކޮށްލަން ބޭނުންވެއްޖެނަމަ، އާއިލާގެ އެހެން މެމްބަރަކަށް ދެވޭ ގޮތަށް ބަދަލު ކުރަނީ
އިރުގެ ހަކަތަ ބޭނުންކޮށްގެން ކުޅުދުއްފުށީގައި ފެން އުފައްދަން ފަށަނީ
މަޖިލީހުގެ ވަކި އިންސަތައެއް ޒުވާނުންނާއި އަންހެނުންނަށް ހާއްސަކުރަނީ
މަރުގެ ހުކުމް ތަންފީޒު ކުރަން ގާނޫނެއް
