ހަނިމާދޫގައި ކުރިއަށްގެންދިޔަ ވޮލީ ކޭމްޕް ނިންމާލައިފި

ހަނިމާދޫ ޕޮލިސް ސްޓޭޝަނުން އިސްނަގައިގެން މިދިޔަ ޑިސެމްބަރު މަހުގެ ތެރޭގައި ފެށި ވޮލީ ކޭމްޕް ނިމި ބައިވެރިންނަށް ހަނދާނީ ލިޔުން ދީފި އެވެ.

ފުލުހުން މައުލޫމާތު ދޭ ގޮތުގައި ހަނިމާދޫގައި ކުރިއަށް ގެންދިޔަ މި ވޮލީ ކޭމްޕް ފުރިހަމަ ކުރި ޒުވާނުންނަށް ހަނދާނީ ލިޔުން ދީފައިވަނީ މިދިޔަ ހުކުރު ދުވަހުގެ ރޭ ހަނިމާދޫ އިޖްތިމާއީ މަރުކަޒުގައި ބޭއްވި ރަސްމިއްޔާތެއްގައެވެ. މި ރަސްމިއްޔާތުގައި ބައިވެރިންނަށް ހަނދާނީ ލިޔުން ހަވާލުކޮށްދެއްވީ ހަނިމާދޫ ރަށު ކައުންސިލުގެ ރައީސް ޢަބްދުއްސަލާމް އަލީ އާއި އަޕަރ ނޯތް ޕޮލިސް ޑިވިޜަންގެ ކޮމާންޑަރ ޗީފް އިންސްޕެކްޓަރ އޮފް ޕޮލިސް ފަތުހުﷲ ވަޙީދުއެވެ.

މި ކޭމްޕް ނިމުމުގެ ގޮތުން ކޭމްޕްގެ ބައިވެރިންގެ ޓީމަކާއި ހއ. މުރައިދޫގެ ވޮލީ ޓީމަކާ ދެމެދު ރަހުމަތްތެރިކަމުގެ ވޮލީ މެޗެއް ވަނީ ކުޅެފައެވެ.

މި ކޭމްޕް ކުރިއަށް ގެންދިޔުމުގައި ހަނިމާދޫ ރަށު ކައުންސިލާއި ހަނިމާދޫ ކްލަބު ޖަމްޢިއްޔާތަކާއި އާއްމު ރައްޔިތުންގެ އިތުރުން ބައެއް ވިޔަފާރިކުރާ ފަރާތްތަކުގެ އެހީތެރިކަމާއި އެއްބާރުލުން ލިބިފައިވާ ކަމަށް ފުލުހުން މައުލޫމާތު ދެއެވެ.

މި ވޮލީ ކޭމްޕްގަައި ޒުވާނުންގެ ތެރެއިން އަންހެން 38 ބައިވެރިން ބައިވެރިވެފައިވާ ކަމަށް ފުލުހުން މައުލޫމާތު ދެއެވެ.