އައިޕީއެސް އެލްކޭޖީ އަދި ޔޫކޭޖީ ދަރިވަރުންގެ ސްޕޯޓްސް މީޓް ފަށައިފި

Mar 1, 2014

ކުޅުދުއްފުށީ އިރުމަތި އަވަށު ޕްރީ ސްކޫލް (އައިޕީއެސް)ގެ އެލްކޭޖީ އަދި ޔޫކޭޖީ ދަރިވަރުންގެ ސްޕޯޓްސް މީޓް އިއްޔެ ފަށައިފި އެވެ.

ޒޯން ސްޓޭޑިއަމްގައި ބޭއްވި ސްޕޯޓްސް މީޓުގައި އެލްކޭޖީއިން 68 ދަރިވަރުން ބައިވެރި ވެފައިވާއިރު ޔޫކޭޖީ އިން ބައިވެރިވެފައިވަނީ 88 ދަރިވަރުން ކަމަށް އެސްކޫލުން މައުލޫމާތު ދެ އެވެ.

މި މުބާރާތުގައި ދަރިވަރުން ވަކިވަކިން ކުޅޭ ގޭމްތަކަކާއި ގުރޫޕު ގޭމުވެސް ހިމެނުނެވެ. އެގޮތުން ބޯލް ބެލެންސް، ހޮޅި ދަށުން ހޮޅި މަތިން ދިޔުން، ކާޓް ރޭސް އަދި ބޯލް ޕާސް ފަދަ ގޭމުތައް ކުރިއަށް ގެންގޮސްފައި ވެ އެވެ.

ސްޕޯޓްސް މީޓު ފައްޓަވައި ދެއްވުމުގެ ގޮތުން ގައުމީ ދިދަ ނަންގަވައި ދެއްވީ ޝަރަފުވެރި މެހުމާނު ކުޅުދުއްފުށީ ކައުންސިލް މެމްބަރެއްކަމުގައިވާ އިބްރާހިމް އައްބާސް އެވެ.

އައިޕީއެސްގެ އެޑްމިނިސްޓްރޭޓާރ ސަމީމާ ހުސެއިން ވިދާޅުވީ މިފަދަ ސްޕޯޓްސް މީޓެއް ބޭއްވުމުގެ އެންމެ ބޮޑު މަގުޞަދަކީ ދަރިވަރުންގެ މެދުގައި އިޖުތިމާއީ ރޫހު އާލާކުރުމާއި ކަންކަމުގައި އިސްނަގައިގެން ދަރިވަރުން ކަންތައްތައްކުރުމަށް ޝައުގުވެރިކުރުން ކަމަށެވެ. އަދި ދަރިވަރުންގެ ނަފްސާނީ އަދި ޖިސްމާނީ ތަރައްގީ ކުރުމާއި ލިބިފައިވާ އިރުޝާދުތަކަށް ބޯލެނބުމަށް ދަރިވަރުންނަށް ދަސްކޮށްދިނުން ކަމަށެވެ.

އައިޕީއެސްއަކީ ކުޅުދުއްފުށީގައި ދެވަނައަށް ހުޅުވި ޕްރީ ސްކޫލެވެ.

މިލިޔުމާއި ގުޅޭ