ކުޅުދުއްފުށީ ވޮލީ ޓީމު ހަނިމާދޫ ވޮލީޓީމާއެކު ރަހުމަތްތެރިކަމުގެ ވޮލީ ބޯޅަ މެޗެއް ކުޅެފި

ކުޅުދުއްފުށީ ވޮލީ ޓީމާ ހަނިމާދޫ ވޮލީ ޓީމު ބައްދަލުކުރި ރަހުމަތްތެރި ކަމުގެ ވޮލީ މެޗު ކުޅުދުއްފުށީ ޓީމް ކާމިޔާބު ކޮށްފި އެވެ.

އިއްޔެ ހަވީރު ކުޅެވުނު މި މެޗު 3 ސެޓު 1 ސެޓުން ކާމިޔާބު ކުރީ ކުޅުދުއްފުށީ ވޮލީ ޓީމެވެ. ހަނިމާދޫ އިޖުތިމާއީ މަރުކަޒުގައި ކުޅެވުނު މި މެޗަކީ ކުޅުދުއްފުށްޓާއި ހަނިމާދޫއާ ދެމެދު އޮންނަ ގާތް ގުޅުން ބަދަހި ކުރުމަށް ކުޅެވުނު ވޮލީ މެޗެއް ކަމަށް އެ މެޗް އިންތިޒާމުކުރި ފަރާތުން މައުލޫމާތު ދެއެވެ.

މި މެޗު ބެލުމަށްޓަކައި ހދ. އަތޮޅު ކައުންސިލުގެ ރައީސް އާދަމް ނަސީރު ވަޑައިގެންނެވި އެވެ.

އިއްޔެ ހަނިމާދޫގައި ކުޅުދުއްފުށީ ފިރިހެން ވޮލީ ޓީމު އެކުވެރިކަމުގެ މެޗެއް ކުޅެފައިވާއިރު މިއަދު ހަވީރު ކުޅުދުއްފުށީގައި އަންހެނުންގެ ވޮލީ މުބާރާތެއް ފެށުމަށް ވަނީ ހަމަޖެހިފައެވެ.

މި ދެ ރަށުގައި ވެސް ވޮލީގެ ޓްރެއިންނިގ ކޭމްޕެއް ދާދި ފަހުން ވަނީ ބާއްވާފައެވެ. އެ ޓްރެއިން ކޭމްޕަކީ ފުލުހުން އިސްނަގައިގެން ކުރިއަށް ގެންދާ ޕްރޮގްރާމެކެވެ.