ޝަހީދުންގެ ދުވަސް ފާހަގަކުރުމުގެ ގޮތުން ކުޅުދުއްފުށީގައި ކުޅުނު އެކުވެރި ކަމުގެ ފުޓްބޯޅަ މެޗު ޒިގްޒެގުން ކާމިޔާބު ކޮށްފި

ޝަހީދުންގެ ދުވަސް ފާހަގަ ކުރުމުގެ ގޮތުން ކުޅުދުއްފުށީގައި ކުޅެވުނު އެކުވެރިކަމުގެ ފުޓްބޯޅަ މެޗު ޒިގްޒެގުން ކާމިޔާބު ކޮށްފި އެެވެ.

އިއްޔެ ހަވީރު ޒޯން ސްޓޭޑިއަމްގައި ކުޅެވުނު މެޗު ޒިގްޒެގުން ކާމިޔާބުކުރީ 4-3 އިން ޑްރިބްލްގެ މައްޗަށް ކުރި ހޯދައިގެންނެވެ. ޒިގްޒެގަށް އަލީ އާދަމް (ބާޑޭ) ދެ ލަނޑު ކާމިޔާބު ކޮށްދިން އިރު އިތުރު ލަނޑުތައް ކާމިޔާބު ކޮށްދިނީ ޝާފީ އަދި އަންވަރު އާދަމް (ކުޑަ ބާޑޭ) އެވެ.

މި މިޗުގައި ޑްރިބްލްގެ ހުސައިން އަބްދުއްރަޝީދު (ބިގޭ) ދެ ލަނޑު ކާމިޔާބު ކޮށްދިން އިރު އެޓީމުގެ އަނެއް ލަނޑު ކާމިޔާބު ކޮށްދިނީ އަނިލް އެވެ.

ޝަހީދުންގެ ދުވަސް ފާހަގަކުރުމުގެ ގޮތުން ކުޅުދުއްފުށީ ކައުންސިލުން އިންތިޒާމުކޮށްގެން އިއްޔެ ވަނީ ރަށުތެރެ ސާފުކުރުމުގެ ޕްރޮގުރާމެއް ހިންގާފަ އެވެ.

ޝަހީދުންގެ ދުވަސް ފާހަގަކުރަނީ މީގެ 459 އަހަރު ކުރިން ޕޯޗުގީޒުންނާ ދެކޮޅަށް ހަނގުރާމަ ކުރައްވަނިކޮށް ޝަހީދުވި އަލިރަސްގެފާނުގެ މަތިވެރި ޖިހާދު ދިރުވާ އާލާކުރުމުގެ ގޮތުންނެވެ. މިއަހަރުގެ ޝަހީދުންގެ ދުވަސް ފާހަގަކުރުމުގެ ގޮތުން ރަސްމީ ސިފައެއްގައި އެއްވެސް ކަމެއް ކޮށްފައި ނުވާކަން ފާހަގަ ކޮށްލެވެއެވެ.