ޒިގްޒެގް އިންޓަރ އޮފީސް ފުޓްބޯޅަ މުބާރާތް ފަސްކޮށްފި

ޒިގްޒެގް ފޯރ ޔޫތް ލިންކޭޖުން އިންތިޒާމުކޮށްގެން ކޮންމެ އަހަރަކު ބާއްވަމުން އަންނަ އިންޓަރ އޮފީސް ފުޓްބޯޅަ މުބާރާތް ފަސްކޮށްފި އެވެ.

އެހެން އަހަރުތަކުގައި ނޮވެމްބަރ މަހު ބާއްވާ މި މުބާރާތް މިފަހަރު ބޭއްވުމަށް ހަމަޖައްސާފައިވަނީ އަންނަ އަހަރުގެ ޖެނުއަރީ މަހުގެ ފަހުކޮޅު އެވެ.

މިދިޔަ އަހަރު މި މުބާރާތުގެ ޗެމްޕިއަންކަން ހޯދި ޕޮލިސް ޓީމަށް 10000 ރުފިޔާގެ ފައިސާގެ އިނާމަކާއި މިލްކުވާ ތައްޓެއް ދީފައިވެ އެވެ.

ޕޮލިސް މި މުބާރާތުގެ ޗެމްޕިއަންކަން މިދިޔަ އަހަރާއި އޭގެ ކުރީ އަހަރުވެސް ވަނީ ހޯދާފަ އެވެ.

ޒިގުޒެގް އިންޓަރ އޮފީސް ފުޓްސެލް މުބާރާތަކީ ކުޅުދުއްފުށީގައި ކުޅެވޭ އެންމެ ފޯރިގަދަ އެއް ފުޓްސަލް މިމުބާރާތެވެ.